حركة ضد الغلاء
حركة صوت الغلابة لرفض غلاء الأسعار
بيان مشترك لحملة فاض الكيل
إشتري كيلو لحمة كفاية

كل يوم الأسعار في ارتفاع في كل السلع والمنتجات الاستهلاكية ولا يرخص سوي المواطن المصري .... بنشقي وبنتعب ليل ونهار عشان نأكل أولادنا ونفسنا ... بنشقي وبنتعب عشان نعلمهم ونسترهم في دنيتهم ... مصاريف مدارس في ارتفاع .... مستلزمات المدارس في ارتفاع .... أكل وشرب في ارتفاع .... مواصلات وانتقالات في ارتفاع ... فواتير الكهرباء والمياه والتليفونات والغاز في ارتفاع .... إيجار الشقق في ارتفاع ....حتي رغيف العيش في ارتفاع ... حنعيش ازاي ؟
!!!! فاض الكيل بينا ...مش قادرين نكفي بيوتنا بنطالب بحقوقنا محدش بيعبرنا ... راضيين بلقمة العيش الي بتجيلنا واحنا بنام جعانيين وهما مش راضيين يسيبهولنا ... عاوزنا نتبرع لمصر منيين وازاي المواطن الي وصل مرتبه لألفين جنيه يعتبر الآن تحت خط الفقر أمال الي تحت الألفين جنيه يعيش ازاي
. فاض الكيل بينا .... ازاي نعيش واحنا مش قادرين نكفي بيوتنا واولادنا بنشتغل بالعشرين ساعة في اليوم ومبيكفيش نعمل ايه ؟!!!!!!!!
فاض الكيل بينا ... 12 حالة انتحار في اسبوع يا ظلمة .. ورزق حنا وأحمد محمد سنهابي مش حيكونوا آخر المنتحرين اذا فاضلنا علي الكلام ده .. واذا فضلت البلد عزبة للباشوات والكبار . .بس احنا مش حنخليكم ياظلمة توصلونا لكده ..احنا مش خنازير في الزريبة زي اللي معاكم يعجبنا الزبالة والرمامة .. احنا لنا كرامة ومش هنبيع نفسنا وبلدنا
فاض الكيل بينا ... داخلين علي عيد الأضحي وكيلو اللحمة وصل مائة جنيه طيب قولونا نعمل ايه احنا اصلا مبنشفش اللحمة غير من العيد الي العيد .... طيب بلاش لحمة العيد ده ...
فاض الكيل بينا ... احنا مش حنشتري غير كيلو لحمة واحد في العيد ... معندناش استعداد نمد ايدينا لحد ...
شارك معانا لو انت زيك زينا متشتريش غير كيلو لحمة واحد حنعمل حملة مقاطعة للحمة عشان سعرها ينزل

#فاض_الكيل
#مش_حنمد_إيدينا_لحد
#إشتري_كيلو_لحمة_كفاية
#السيسي_خربها
#السيسي_مش_هيكمل
#ضد_الغلاء
#صوت_الغلابة
#رفض_غلاء_الأسعار
القاهرة... 30 سبتمبر 2014