تناقش حكومة السيسي إضافة اسم الأم في بطاقة الرقم القومي لتقليل إشكالية تشابه الأسماء بعدما تبنى المطلب مصطفى مدبولي وحمالة الحطب في الإعلام ورأى متابعون أن "الباركود" في البطاقة الحالية يكفي ويحتوي جميع البيانات بما في ذلك (اسم الأم) ويرى آخرون أهمية الفكرة في تسهيل التدقيق.
وقال أستاذ القانون د.عزت سلامة أن اسم الأم موجود بالفعل في شهادات الميلاد وأن تشابه الأسماء يمكن حله عبر تنظيم الألقاب أو حذف اللقب الأخير.
وأشار إلى أن إضافة اسم الأم للبطاقة قد يكون تكريمًا رمزيًا للمرأة لكنه لن يحل الإشكالية واقترح بتضمين بيانات مثل رقم الهاتف أو الإيميل لتجنب تشابه الأسماء.
وقال ناشط إن "إدراج اسم الأم في البطاقة، لا عيب ولا حرام، ولكنه يعكس فشل الداخلية وأجهزة الدولة في الاعتماد على الرقم القومي وحده للتمييز بين المواطنين، رغم انه مؤهل لذلك، ولذلك كان التفكير في إضافة بيان آخر للبطاقة، بدلاً من تأهيل الأفراد والنظام للاعتماد على الرقم القومي وحده.".
وقال محمد النجار (Mohamed Alnagar): "هما ليه عايزين يضيفوا أسم الأم في البطاقة الشخصية؟ بأي بلد حسب معرفتي البطاقة الشخصية بيبقى البيانات الأساسية بها عبارة عن الأسم وتاريخ الميلاد ورقم البطاقة او الرقم القومي إضافة لمكان إصدارها ، لا فيها المهنة ولا الحالة الأجتماعية ولا الديانة ولا أسم الأم.
وأضاف "إذا كنتم عاملين الحجة إن أضافة أسم الأم لتخطي مشكلة تشابه الأسماء، فلازمته ايه الرقم القومي؟ وده أعلان بأن كل ما تقوله عن الحوسبة والحوكمة و بيانات المصريين المتخزنة بمكان ١٤ طابق تحت سطح الأرض بالعاصمة الإدارية كله كلام فارغ و أن النطام فاشل. إلا إذا كان الأمر سبوبة جديدة لتقليب جيوب المصريين ، أنت عارف يا مواطن يعني ايه المصريين يعملوا بطاقات جديدة لإضافة أسم الأم حيعمل فلوس قد ايه؟".
وتابع على فيسبوك:" ..طب أنت عارف في كام أم ليس لها شهادة ميلاد و عدد المصريين اللي لو سألتهم عن أسم أمه حتسمع ما لا يرضيك، الأمر ليس بهذه السهولة لكنها السبوبة.".
المحامي أحمد الوزير (Ahmed Elwazer)، أضاف "وضع إسم الام في بطاقة الرقم القومي لحل مشكلة تشابه الأسماء.. ليس حل بل بالعكس ده هيكلف المواطن أعباء مادية جديده والمواطن مش ناقص أصلاً".
وأضاف "أصلاً بطاقة الرقم القومي فيها رقمك القومي والذي لا يتشابه أصلاً مع اي شخص في الجمهوريه.. طيب ليه تشابه الاسماء بيحصل ؟!.. لانه عند تسجيل أسماء المحكوم عليهم علي السيستم بيكون مُسجَل ( بالاسم فقط ).. والحل الامثل ..هو إضافة الرقم القومي مع اسم المتهم علي السيستم وبكده عند الكشف علي صاحب البطاقة بالرقم القومي استحاله تلاقي تشابه اسماء ولا تتفاجئ بحكم مش بتاعك أصلا وبكده تكون المشكلة اتحلت".
ونقل حساب @morabetoooon عن الناشط تامر شيرين شوقي منشوره على فيسبوك الذي سخر منه من الاقتراح "انت مصدق موضوع اضافة اسم الام فى بطاقة الرقم القومي؟؟؟ بجد؟؟؟؟؟ يعنى اسم الأم هو اللى حيمنع اللخبطة و الاشتباه لتشابه الاسماء؟؟؟ يعنى 14 رقم فى الرقم القومي مش كافيين يمنعوا اي خطأ او لبس او تشابه اسماء؟؟؟.. اسم الوالدة هو الحل؟؟؟".
وأضاف "طيب حد درس عدد مرات حدوث حالات الاشتباه دى و نسبتها فى المجتمع اللى حيخلى حوالى ١٠٠ مليون مواطن فوق ال ١٥ سنة من ال ١٢٠ مليون يغيروا بطاقتهم بالأمر؟؟؟.. كام النسبة؟؟.. حد عارف و لا حد اهتم يعرف؟؟.".
وأكد أن الأمر هو ".. سبوبة...جباية جديدة..".
وتوصل إلى أن "100 مليون يغيروا البطاقات بأقل سعر 50 جنيه للإستمارة و بتوصل ل 200 جنيه للمستعجل.. قول اقل حاجة 50 جنيه فى 100 مليون عارف بكام؟؟؟؟ ب ٥ مليار جنيه على الأقل .. جباية بالأمر على الشعب و من جيب الشعب.. سبوبة زي سبوبة شهادة الميلاد اللى لها تاريخ صلاحية!!!!.. احمس اس 345!!!! (وتعني كلمة خارجة)
وأضاف "هو ايه اللى حيتغير فى شهادة ميلادى طول عمرى؟؟؟ ..يا حرامية يا شوية دجالين!!! سبوبة.. جباية.. مفلسين فكريا و اداريا و كل حاجة.. معدش عندهم حلول الا جيوبنا و بس!!! طيب راجل؟؟؟؟؟ يبقى المفروض كل واحد بطاقته سارية يكون التغيير مجانا او يتم التغيير فقط فى ميعاد التجديد....غير كده نصب و افترا و سماجة و قرف".
وتابع: "لما ينصلح الحال ان شاء الله لو ربنا اراد لنا نشوف اليوم ده:: بطاقة الرقم القومي حتكون بطاقة زي الكارت بتاع البنك .. الشريحة عليها كل حياتك:: .. •تاريخك بالكامل .. •فصيلة دمك .. •شهادة ميلادك .. •قيدك العائلي . •صحيفة الحالة الجنائية .. •شهادة تحركاتك.. •كل حاجة تتخيلها او لا تتخيلها موجودة على الشريحة و يتم تعديلها الكترونيا اول بأول.. •رخصة قيادتك و لو عليك جنيه واحد مخالفات حيظهر!!! .. مش حتتعامل جوه مصر غير بيها..".
ولفت إلى أنه "لا شهادة ميلاد و لا رخصة قيادة و لا اوراق و ملفات و رشاوي و جبايات..بطاقة عليها تاريخك من يوم ولادتك للنهاردة.. دى اللى حأجبرك تغيرها و تدفع عشانك مش عشاني.. انما اسم الام و انا عندى ١٤ رقم فى بطاقة لا يتماثلوا مع اي مواطن آخر و تقول لى معلش تشابه اسماء؟؟؟.. العب غيرها يا ضايع يا مفلس يا بجح..كفاية قرف جبنا آخرنا..".
