حاول عمود خيمة التعريض في شبكة الأذرع الأمنية الإعلامية، عمرو أديب، أن يستضيف أطباء في برنامجه على (إم بي سي – كمصر) ليقدمهم لجمهوره على أنهم باعوا مصر من أجل حفنة دولار، ولكنه واجه ممن استضافهم إحراجًا لأهدافه الملتوية في الإيقاع بهم، هذا وسط حالة متردية في مصر يعاني منها الأطباء الذين زاد حجم هجرتهم إلى خارج مصر أكثر من 20%.
في وقت يعاني فيه الأطباء من التدهور الشديد لأحوال المستشفيات الجامعية، وزيادة الضغط على المستشفى الجامعي نتيجة تدهور مستشفيات وزارة الصحة، ومسلسل الاعتداء على الأطباء وآخرهم طبيب المنزلة، وسوء معاملة الأطباء النواب من قبل إدارات كليات الطب والجامعات، والضعف الشديد لرواتبهم مقارنة بعملهم لساعات متصلة تصل أحيانًا إلى ما يقارب 100 ساعة عمل أسبوعية (وهي تفوق القدرة البشرية).
ورغم أن الأطباء الذين استضافهم عمرو أديب أفحموه بإجاباتهم على أسئلته التي تعمد تحميلهم مسؤولية فشل نظام ،كما تلقي زوجته مسؤولية غلاء الأسعار على التجار.
الدكتور إبراهيم عبدالسلام وعبر فيس بوك brahim Abdelsalam قال ""يا عمرو أديب.. الكلمة اللي هتقال لك دي مش مجرد نقد، دي صرخة غضب من جيل بيتكسف منك!
وهاجمه قائلا: "إنت مين عشان تهاجم الأطباء المصريين؟ تصريحاتك عن "دفع الأطباء مقابل تعليمهم المجاني" كانت ضربة تحت الحزام لمهنة بتضحي بالدم عشان تنقذ حياتك وحياة غيرك، ورد عليه أمين عام مساعد نقابة الأطباء: "التعليم حق دستوري مش منّة منك ولا من الدولة".
وعن سؤال "هل دفعت ثمن تعليمك لما سافرت تشتغل في أوربت؟".. وهو سؤال فضح "تناقضك".
واعتبر عمرو أديب يدافع عن السلطة لا عن الشعب؟" أثناء حديثه عن "الرقابة الذاتية" وكأنك بطَل مقاومة، لكن في نفس الوقت بتقول: "أنا آخذ 2.5 مليون دولار سنويًا" متسائلاً "فلوس مين دي؟ ومن مصلحة مين بتتكلم؟ " ولما طلبوا من محمد صلاح يتكلم عن فلسطين، هاجمته علنًا رغم أن موقفه شخصي لكن لما يتعلق الأمر بانتقاد جهات رسمية، صوتك بيبقى مُعدل!
وأضاف، "بتزعل لما يتناقش الناس في وفاة الفنانين وتقول: "أنا خايف أموت عشان هيتعملي حفلة نارية!" .. طيب ليه مش بتطبق نفس المبدأ على الأطباء أو أي حد بيتعرض لهجوم منك؟.. ابنك خالد دافع عن ابنة عمه أميرة أديب لما اتهاجمت بسبب أغنية، لكن أنت مبتحميش حد ينتقدك".
وبعد هجوم النظام من خلال عمرو أديب على الأطباء بعد زيادة أعداد الهجرة توقع مراقبون أن تفرض حكومة السيسي رسوم سفر على الأطباء المصريين من مصر؟!
ونشر حساب حزب تكنوقراط مصر @egy_technocrats رد طبيب مصرى على الإعلامى #عمرو_اديب:
"بص يا أستاذ عمرو أديب أنا شغال بره مصر من يناير 2020 و عمري ما انضربت ف الطواريء، احنا بنجيب حقنا زي ما أي مصري بياخد حقه ومش عاوز أقولك مواقف وكمان مش شغال زي حضرتك ب مليون دولار أنا حرفيا مرتبي ف إنجلترا بيخلص أول كل شهر ولولا ما أنا متربي كويس عالشغل ف كل شيء عشان مخليش أسرتي تتصل تستغيث بجانبك، كان زماني عادي مكمل موظف محدود الدخل في أروربا".
وأضاف "أنا زي آلاف الأطباء بره باحثين عن التقدير و المباديء والأصول، باحثين عن أننا ننام مع أولادنا آخر كل يوم أو عالأقل كم مرة ف الأسبوع ".
وتابع ".. أنا ف مصر كنت أطلع من الإيطالي علي اليوناني علي الأمريكي علي تكليفي ف الشرابية وفي غيري جامعة مش بيروح البيت أصلاً …. أتذكر طبيبًا ترك القصر العيني و هو مدرس مساعد … سألته ليه يابني تسيب منصب الجامعة… قالي بنتي نسيت شكلي ومعدتش عرفاني! …. وجه هنا وأخد تدريب جراحي …. ".
وأردف "..كلنا حابين مصر … بس محتاجين تقدير ومحتاجين ممثلين لينا يعرفوا يحتوونا …. ويجيبوا حق الطبيب …. ويعملوا هيبه للطبيب ويعلموا المريض ازاي يقدر الطبيب …. أنا اول واحد هرجع وهدرس الماجستير المصري مكان الزمالة البريطانية… يا أستاذ عمرو هنا المريض استشاري الأوعية بيقله رجلك محتاجه يعني حرفيا تتقطع to be Chopped off بيقوله : I will do whatever you recommend !!!!
وعن الجهل في مصر أشار إلى حادثة حدثت معه في مصر "اما كنت ف كشف منزلي زمان بقوله حضرتك يافندم بابا - اللي عنده 85 سنة وعنده كل المشاكل الطبيه اللي ف الدنيا - توفاه الله والبقاء لله … قفل علينا باب الأوضه وقالي عليا الطلاق بابا عايش 😀"!
وأضاف عن المريض (في مصر) عاوز Education on how to treat a doctor " موضحا أن ".. ده ببساطة زي ما الحكومة خلتنا نحترم المحاربين او الجنود بنشر ده ومحاسبة كل من يتعدي علي جندي .. ممكن تطبقه علي معاملة الطبيب!.. المريض هنا بنسبة 90% - سادس سنة ليا ف إنجلترا - . يكاد يعامل الطبيب ك إله ".
وأشار إلى أن ".. لو الدولة صرفت علينا زي ما حضرتك بتقول ليه بتفرط فينا رخيص …. يا راجل دا أنا أتذكر - وقبل ما ادخل تدريب جراحي - ال Clinical Lead شافني مش مبسوط قالي عاوزك ف Informal meeting .. و قعد يكلمني علي قد ايه المستشفى شايفه ومقدره تعبنا وقالي You are here as I wanted to ask “Why you are not happy!”"
وباختصار ".. و بعدين ده كل الدول المجاورة زي الامارات والكويت وقطر نجحوا ف استقطاب اطباءكم صح وهنروح بعيد ليه عاوزين بلدنا تعاملنا زي ما تركي آل شيخ بيعاملك".
https://x.com/egy_technocrats/status/1911836669189537932
الطبيب الصعيدي أحمد أبو القاسم Ahmed Aboelkasem كان ضيفًا على عمرو أديب وقال "كطبيب مصري اتعلمت على حساب الدوله _لكوني من الطلبة المتفوقين _
ورغم كده رديت بدل التعليم ده بدل المرة مليون
١-خدمت في القوات المسلحة 14 شهرًا
٢-خدمت في الوحدات الريفية 24 شهرًا
٣_اشتغلت براتب اقل من العامل كطبيب مقيم حوالي 5 سنوات
٣_اشتغلت مساعد اخصائي براتب اقل من سائق خاص 24 شهرًا
٥_بدفع ضرايب وتأمينات اجتماعية سنويا بالدولار
٦_ بدفع رسوم تصاريح سفر وتجديد بطاقة وجواز سفر بالعملة الصعبة .
٧_بسافر على خطوط الطيران المصرية وبحجز بالعملة الصعبة
٨_بحول عملة صعبة بتدعم الجنية امام الدولار .
٩_مشرف بلدي وجزء من قوتها الناعمة خارجيًا .
١٠_كل مدخراتي في بلدي بتدعم اقتصادها .
ده اللي أنا وكل زمايلي عملوه، مقابل التعليم الطبي المجاني اللي هو حق دستوري.
انت يا عمرو وسيادة النواب عملتوا إيه لمصر؟!
https://www.facebook.com/photo/?fbid=29436545402610696&set=a.189906394367985
وقال أستاذ الوبائيات دكتور مصطفى جاويش @drmgaweesh وكيل وزارة الصحة الأسبق "#مصر_خالية_من_الأطباء .. هدف استراتيجي للدولة بجميع مؤسساتها العسكرية والمدنية والبرلمانية والإعلامية، والتى تعمل جميعها على زيادة معدل #هجرة_الأطباء".
