واصل الأطباء انتقادهم لمشروع المسؤولية الطبية وسلامة المرضى الذي أقره برلمان العسكر خلال الأسبوع المنقضي من مارس 2025.

الطبيب البارز أسامة شوقي وعبر Osama Shawki قال إنه سيواصل عمله متحملاً كافة التبعات رعاية للمريض وقال: "وبعد طول تفكير قررت ان استمر في عملي و لا اغلق الباب امام اي مريض محتاج و لن ارفض الحالات الصعبه وسأتحمل مسؤليه ما يحدث مهما كان و امري علي الله ..

وأوضح  الدكتور اسامه شوقي أنه مذهول و مصدوم من التعليقات التي ظنت انني موافق علي القانون الجائر !!!بعد أن قرر استكمال عمله وقال: "لا حول و لاقوه إلا بالله ، مقالي و حديثي هو ان لا نتخلي عن المريض المحتاج مهما كان الظلم الواقع علينا كأطباء.. و اشعر بالأسف للتطاول ان ممارستي للمهنه مقصوره علي الطبقه المتيسره ، اعتقد انني اجوب المحافظات شهريا لعلاج غير القادرين علي السفر و غير القادرين علي تحمل نفقات العلاج بالقاهره..".

وكشف عن سبب قراره وهو أن يتحمل كل هذه الظروف الصعبه.. "لأنني عاشق لمهنتي و انتهز اي فرصه كي اكون في مساعده مريض او زميل مهنه.. اشعر بالأسف لسوء الظنون و ربنا يهدي القلوب..".

وعن القانون علق "شوقي"، ".. تابعت بكل اهتمام الجدل الدائر حول اطلاق قانون المسؤليه الطبيه و الذي احتوي بنود منسوخه تماما من القانون الجنائي بدون تعقل و لا إعمال العقل ، زي مثلا بند لو تسبب الخطأ الطبي عن وفاه شخصين او اكثر !!!".
 

وأضاف أن " بنود تضع الطبيب في مصاف المجرمين و القتله المتعمدين .. و التلكيك بالحبس و الغرامه !! ..الغريب ان الغرامه للدوله غير غرامه لأهل المريض؟؟.. الحقيقه مش قادر استوعب كيف ؟ و من العقل الذي صاغ ذلك القانون؟"

وأعتبر أن القانون الذي أقره برلمان السيسي ".. تسبب ذلك في اضطراب هائل في كار مهنه الطب و الاحاديث بين الزملاء إما السفر للخارج الي دوله تعامل الطبيب باحترام و عداله ، او اعتزال المهنه ..بل نصح البعض بممارسه الطب الدفاعي ، يعني تفادي التعامل او استقبال اي حالات تحتمل مضاعفات و الهروب منها !!..هنا توقفت و ترددت و طفقت اقلب الامور علي اوجهها و اتخيل ما يمكن ان اواجهه تجاه ذلك القانون المشؤوم..".

https://www.facebook.com/photo/?fbid=10161581098163600&set=a.10151461734528600

الحبس بالسنين

الطبيب عادل مختار Adel Mokhtar قال "..عزيزى وزميلى الطبيب...كل سنه وانت طيب....ليس بمناسبة رمضان والعيد لكن بمناسبة اقرار قانون الممارسه الطبيه اليوم كما قرأت...

وعلى ضوء ما قرأت خد عندك شوية نصايح من جراح عجوز  لف ودار  سنين وشاف كتير فى الجامعه والخاص وخارج مصر كمان.....

١. القانون يا زميلى العزيز  فيه حبس بالسنين وغرامات بالملايين.....فما تجيش على نفسك علشان اى حد....امانك انت شخصيا قبل اى حد.

٢. اى اجراء او فحص  يكون فيه امان لك لا تتردد فى طلبه والاصرار عليه ....ما توفرش لحد على حساب مستقبلك.

٣. قعدتك قدام وكيل النيابه وحبستك مع ابو سنجه ابو شفتوره شئ مش هين...خد حقك تالت و متلت ومتجاملش حد .

٤. متديش الامان لاى حد وما يغركش الوش السمح بتاع خالتك الحاجه ولا دقن وزبيية عمك الحج ولا كلام المقدس عن القدر وانت تعمل اللى عليك والحاجات دى......ساعة الجد يا حبييى هتشوف وشوش تانيه خاااالص.

٤. ممكن تزود على اتعابك نسبه 30% مثلا ونسميها بدل مخاطر .

٥. ما تشتغلش فى اماكن غير مرخصه او غير مجهزه او نص نص بحجة انك عاوز توفر للعيان...محدش هيقدر ده  اولهم العيان اللى انت عاوز توفرله.

٦. خليك فاكر ان تامر غنيم لما اتحبس كان رايح ينيم الحاله مجامله لجاره....تخيلٓ!!!

٧.زمان استحملنا رزالة القوانين  الطبيه فى بلاد الخليج عشان فلوسهم.....دلوقتى القوانين هنا ارزل ومن غير فلوس....فيا طبيب الحكومه اشتغل شغل حكومه وبلاش عنتريه.

٨ . واخير يا ولدى الطبيب الشاب....إخللللع.