تساءل الكاتب والمذيع السابق ب(BBC) عربي حسام السكري عبر فيسبوك عن مزية علاقة قارئ غير جيد بمعرض كتاب؟! متساءلا بتعجب عن علاقة محمد صلاح لاعب ليفربول ومنتخب مصر بمعرض كتاب الشارقة ؟!
وعبر Hosam El Sokkari قال "السكري": "كل ما آجي أدلي بدلوي في تصريحات محمد صلاح في الشارقة ألاقي نفسي مش فاهم علاقته إيه بمعرض الكتاب!".
وأضاف "مع تقديري له كلاعب وإنسان طور نفسه وبيقدم نموذج مبهر في اجتهاده واتساقه وإنسانيته، لكن مش فاهم سبب دعوته عشان يبقى الحدث الأهم في معرض للكتب والكتاب. أو إن ده كله يتبلع للناس بسؤال ضعيف عن الكتاب اللي بيقرأ لهم؟ .. يعني انت جايبه عشان قاريء؟ طب طلع قاريء غير جيد. ".
وتابع: "(وده بالمناسبة لا يعيبه ومعنديش انتقاد لقراءاته عشان ده كان الترند اللي طالع). معرض الكتاب بيتهيألي بيجيبوا فيه كتاب أو روائيين أو شعرا أو مؤلفين من أي منحى من مناحي النشر. بيجيبوا حد هيضيف لجمهور المهتمين بالكتب، أو هيضيف جمهور للمهتمين بالكتب. هات حد مشهور مهتم بالكتب والقراءة. عنده مثلا مكتبة ما حصلتش، بيعمل مكتبات للفقرا. عامل مشروع للنشر. عامل مشروع لتشجيع القراءة. مهتم بالجديد في عالم الكتب. مشهور ووجوده هيضيف للحدث وله علاقة بيه..".
تلزيق للحدث
وأكمل ".. شعبوة أي حاجة بتلزيق شخص مشهور ومالوش علاقة بالفعالية المنظمة اللي بتخلينا نكرم فنانين في الجامعات، أو ممثلين، أو بلوجرز لمجرد اجتذاب الأضواء للحدث أو المهرجان ظاهرة غير صحية وتنمو بقوة. (معلش الكلمة طلعت كده.. "شعبو" فعل جديد أنا لسه عامله، معناه حاول جعل الحدث أو الشيء شعبويا)...".
وضمن تعليق للسكري أوضح أن ".. استخدام مهارات التسويق عمال على بطال بدون فهم لطبيعة وخصوصية الحدث.. وجود شخص مشهور في معرض كتاب مش هيعمل حاجة.
لازم يكون له علاقة بالموضوع عشان يعمل الهدف اللي بتقول عليه. لو مشهور ومهتم بالكتب على عيني وراسي.. إنما مشهور وقرا كتابين لابراهيم الفقي ومصطفى محمود؟؟ يفتح الله!.. المرة الجاية نفتح معرض الكتاب بسيرك الحلو.".
إشادة الأذرع
المثير للدهشة أن كانت إشادة أذرع التوك شو ومنهم سيد وتامر أمين الذي أشاد بما قاله محمد صلاح في ندوة معرض الشارقة الدولي للكتاب وعلق :"أيقونة مصرية عربية ناجحة"
واستضافت الدورة الـ43 من معرض الشارقة الدولي للكتاب النجم محمد صلاح فى لقاء جماهيري، يروي فيه رحلته فى الوصول للعالمية، ويكشف علاقته بالكتب وتأثيرها على مسيرته الرياضية.
وتحدث صلاح عن مسيرته الكروية؛ وشارك الحضور جوانب من حياته، بدءًا من بداياته وصولاً إلى النجومية العالمية، مسلطاً الضوء على التحديات التي واجهته، والدروس التي تعلمها.
وتجاهل صلاح الحديث عن الكتب التي ألهمته ليتجاوز حدود الملاعب!
