أعلن الدكتور رضا حجازي، وزير التربية والتعليم والتعليم الفني، نسب النجاح في كل شعبة في نتيجة الثانوية العامة 2023 حيث قال وزير التربية والتعليم، إن نسبة النجاح في علمي علوم 78.62%، ونسبة النجاح في علمي رياضة: 79.78%، ونسبة النجاح في الأدبي: 78.74%.
وأضاف وزير التربية والتعليم والتعليم الفني أن النسبة العامة للنجاح في نتيجة الثانوية العامة 2023 بلغت 78.81% مقابل 74.47 في نتيجة الثانوية العامة العام الماضي.
القرآن ورضا الوالدين
"عمر عبد الرحمن" الأول على الجمهورية في #الثانوية_العامة: الصلاة ورضا الوالدين والابتعاد عن الفيسبوك سبب تفوقي
الطالبة فرح محمد قدري ممثلة أوائل #الثانوية_العامة في الإسكندرية: «والدي تلقى النتيجة وأنا أصلى.. وكنت أذاكر قدر استطاعتي
وقال خالد جمال: أحلى حاجة لما تكون مسافر وتصحى من النوم تلاقى فرحة عمرك وبنتك بترن عليك وتقولك بابا انا نجحت الحمد لله الف مبروك وبالتوفيق دايما حبيبة بابا خلاص هقول الدكتورة ندا انا عاوز تويتر كله يشرب حاجة صاقعة لفرحة حب عمرى بنتي الفرحة حلوة ربنا يفرح قلوبكم جميعًا".
لكم في رجال الدولة عبرة
وقالت إيما: أحب اقول لكل مُحبطين #الثانوية_العامة أن لكم ف رجال الدولة عبرة، فيمكنك بالمستقبل ان تُصبح وزيراً للنقل ب 61%، أو رئيس مخابرات للدولة ب 58%، أو من جهات سيادية بمجموع لا يتعدي الـ 55%، دي مش نهاية المشوار يا شباب لا دي بدايته، خلي عندك يقين بأن ربنا كاتبلك الخير ف مكان تاني".
وغرد مصري غلبان: "كل سنه تسمع عن بنت البواب وابن عامل النضافه اللي تفوقوا في #الثانويه_العامه بمجهودهم وتعب أهاليهم تفرح، بعدها تيجي تبص علي التعيينات تلاقي إبن المستشار مستشار وابن الضابط ضابط وليذهب المتفوقون للجحيم، ويطلع حمار يقولك البلد دي مبتتقدمش ليه ؟؟!! #ضيعت_البلد_يافاجر".
وقالت زادا: "ابنك هينسى النتيجة، بس عمره ما هينسى نظرتك ليه وكلامك ورد فعلك يوم النتيجة ارحموا عيالكم".
وغرد نيمو النجار: "بتوع #الثانويه_العامه محدش يزعل من مجموعه واهم حاجه تعرفوا ان اهم من مجموع الثانويه هو مجموعك ف البنك وبما انك مش هتلاقي شغل وعايش ف مصر والجنيه ف الارض ف مافيش مجموع ف البنك فازعل عادي".
التظلم بالدولار
وقال وطن يعني حصن: "ماكنتوا تخلوا التظلم ب #الدولار بالمرة تمشياً مع الهوجة اللي ماشية".
وأعلن اليوم عن فتح باب التظلم على نتيجة الثانوية العامة 2023، بعد 48 ساعة من إعلان النتيجة، وسيكون تقديم التظلمات ورقيًا في الأماكن التي تحددها الوزارة بالمديريات التعليمية، وسوف يسمح للطالب بالاطلاع على صورة من كراسة الإجابة الخاصة بالمادة المتظلم عليها، موضحًا أن رسوم التظلم على المادة ستكون 200 جنيه.
وقال أحمد حمدي: "في بدايات كثيرة في حياتك ممكن تغيرلك حياتك، كلية تدخلها وتكون نقطه انطلاق أو عمل خاص بيك تنجح فيه أو سفرية حلوه تنقلك نقله تانية أو كورس عالي يرفع قيمتك في السوق ومنها الثانوية العامة نجحت فيها لازم تكمل علشان توصل والدليل انك لازم تكمل فشل طلبه طب هذا العام".
وغردت أنوسة: "والله ي جماعة مش عاوزا اصدمكم بس التعليم في مصر زي قلته ولا يسوى التعيينات واقفة معاهم ماجستير ودكتوراه وعاطليين يبقى بنتعلم ليه اذا كان الشهادة مجرد ورقة في درج، على الجانب الآخر مصر مش بينجح فيها إلا الرقاصات والنصابين والحرامية والباقي بيعاني.. هاجروا ي جماعة".
