أعلن التليفزيون المصري أن المجلس العسكري كلف رئيس الوزراء الأسبق كمال الجمزوري بتشكيل حكومة إنقاذ وطني بصلاحيات كاملة .
وكانت تكهنات قد أشارت إلى تكليف الجنزوري بعد أن استدعاه المشير للقائه أمس .
واستبقت نكات ساخره استلام الجنزوري للمقعد بسبب عمره الكبير ، وعلى اعتبار إختياره ردة إلى الماضي السحيق بعد ثورة شبابية ومن هذه النكات :
** مرتضى منصور ماسك على الشعب كله سى دى ، وماسك على الجنزورى فلوبى ديسك !!
قالك الجوهري هيمسك المنتخب ... والجنزوري هيمسك الوزارة .....
.
.أنا حاسس اني هصحي الصبح أروح المدرسه
كل مايسأل علي وزير يقولوا له مات ..
شائعات عن تحضير روح عاطف صدقى فى حالة عدم قبول الجنزورى للوزارة !!
وزراء حكومه الجنزوري: عرابي للحربيه, البارودي للشباب, محمد عبده اوقاف, طه حسين ثقافه..
فى السينما يموت الإنسان ثم تراه فى الفيلم التالى … وكذلك فى الوزارات !!
قام المشير طنطاوي ( 76 سنة ) بإستقبال كمال الجنزوري ( 77 سنة ) لعمل حكومة إنقاذ لثورة الشباب !
بيقولك مره شعب عمل ثوره على نظام قديم ..جابو اللى اقدم منه .
الجنزورى هيرجع ويندوز 95 تانى .
الجنزوري مش حيعمل اكونت على الفيسبوك ولا تويتر ...اللي عاوز يراسلة يبعت علي ص.ب ١١٥٤٤ الدقي .
يعنى ايه كوكولا زيرو؟؟
يعنى رئيس وزرا يمسك الوزاره قبل متتولد ..ويمسكها تانى بعد ما تتخرج ؟؟
يعني ايه الجنزوري يرجع للوزارة: _
ـ يعني هانتفرج على هذا المساء مع سمير صبري
_ يعني الحرب على الإرهاب..مسلسل العائلة
_ يعني العربيات الفيات 132
_ في فيلم أجنبي جامد على القناة التانية
_ بابا جابلي كمبيوتر صخر هدية
