أدى سقوط المظله التي يقف تحتها السيارات والركاب بموقف ابشواى بمحافظة الفيوم إلى إصابة العديد من الركاب وخاصه طلبه الجامعات،وتحطيم قرابه ال 10 سيارات وسط غياب تام بمجلس المدينة والمسؤولين ابشواى
ويقول " محمد ممدوح" سائق كنت واقف بركب طلبه في سياراتي وفجأة لقيت المظله بتقع على سيارتي وعلى الركاب وفجأة لقينا الناس بتصرخ وفيه ركاب كثير اتصابو.
ويضيف "ممدوح" إحنا بندفع كارته على كل مشوار المفروض علشان يعملو صيانه للموقف مش يسيبوه لحد ما يقع فوق رؤوسنا.
وبسوال محمد عثمان سائق : السقف وقع علينا وعلى عربياتنا ومفيش حد من المجلس جه يسأل فينا
ويضيف : المرور بيعمل غرمات على إللى بيركب من خارج الموقف طيب يصلحوا الموقف الأول
تم نقل المصابين إلى مستشفى أبشواي المركزي وقام عدد من السائقين بعمل محضر بقسم شرطة ابشواي لإثبات الضرر الذي وقع عليهم.