وجه مواطن نداء استغاثة للسيسي قائد الانقلاب، وشريف إسماعيل "الصايع" رئيس الحكومة، اليوم الثلاثاء، بعدما ازادات عليه آلام المرض وغلاء المعيشة قائلًا: «أنا إنسان بسيط جدا، لدي أسرة من 7 أفراد، وأعمل نقاش، لكن وقعت من على السقالة في أثناء شغلي وجالي الغضروف في ركبتي وظهري، ومن ساعتها أنا قاعد في البيت ومراتي بتساعدني».

وأضاف المواطن في رسالته: «أغيثوني من الكهرباء، دفعت 3 إيصالات كهرباء بقيمة 340 جنيه، وكان معايا 360 جنيه وباقي معانا 20 جنيه هقضي بيها الشهر.. أنا مش عارف أعمل إيه أمسك عيالي أولع فيهم.. لو عندكم حد يشتري عيالي أنا موافق أبيع واحد منهم».

وتابع قائلًا: «روحت المعاشات الموظفة قالتلي عندك واسطة، قولتلها واسطتي ربنا قالتيلي خلي ربنا يقبضك المعاش، أنا كدة كدة ميت، ومضرب عن الطعام عشان أوفر لقمتي لعيالي، أو أحرق نفسي عشان الناس تحس بيا».