نافذة مصر
ننشر القصيدة الكاملة رائعة أنا إخوان
ا نا اخوان ... وكل المسلمين اخوان
ما دام السنة منهجهم مع القرآان
أنا اخوان وكنت الصاوى بالميدان
وبفلسطين أنا الياسين وأنا الرنتيسى والقسام
وأنا اللى جاهدت فى الشيشان .. وبالافغان أنا عزام
أنا اخوان رفضت الظلم والطغيان
فى عهد فاروق.. وقبله فؤاد ..
وبعده جمال وبعده سادات
ومات الكل وأنا عايش ... وانا اخون
انا اخوان وانا عمرى ما كنت جبان
ولا عندى ياناس نسوان
وحتى الست عندنا بميت راجل من الابطال
وتعرف ايه عن زينب ؟؟؟ وتعرف ايه عن ام نضال
انا اخوان
انا غايتى رضا الرحمن
ودستورى ومنهاجى ايات قرآن
وقدوتى وتاج راسى نبى عدنان
انا اخوان .. طريقى جهاد
وامنيتى انا استشهاد
انا اخوان
انا سلفى وانا صوفى
وانا سياسى وانا رياضى
وانا فنان
وانا بالليل مع الرهبان
وفى الجبهة مع الفرسان
وف الازمة ... انا الاحسان
وانا ف عملى انا بكون اتقان
أنا اخوان وبتحارب من اللى خان وم الاعلام
وكان بيقولى يا محظور .. وكان خايف م السلطان
وكان قبلى مهوش قادر يقول كلمة
ودلوقتى يقول خرفان
ويرمينى بميت تهمة وميت صفقة
ويوصفنى كأنى شيطان ..
وبالملتوف يولعنى ... وبالخرطوش يودعنى
وانا صابر وانا راضى وانا قادر أكون بركان
لكن صابر عشان ربى
لكن صابر عشان بلدى
انا متربى ف الاخوان
انا اخوان
رفضت المية م الظالم وانا عطشان
ولما رمونا ف الصحرا بقت بستان
انا اخوان ظلمنى السجن والسجان
وشوفت من العذاب الوان
ورغم د كله ياجدعان
رفضت العنف والاجرام
ولا عمرى زرعت الخوف
... ولا حدفت بالملوتوف
ولا طوبة ولاشمروخ
انا عمرى م كنت خروف
ولا بمشى ورا الاجرام
وانا عمرى م هشتم حد
وانا عمرى م كفر حد
انا بمشى ورا علماء مع السنة مع قرآن
انا اخوان ... وعلمائى فى كل مجال
وفى الفتاوى ... أنا سابق وقرضاوى وعبد رحمن
وفى التفسير ... أن سيد وفرماوى ... وفى القرآن انا القطان
وف التاريخ .. انا راغب وعب هادى... وف الاحاديث نزار ريان
وف الجيولوجيا ... انا عودة ... وف الاعجاز أنا النجار
وف القوانين ... أنا عودة ... انا القاضى اللى عدمه جمال
وف التموين أنا عودة.. انا اللى مكمل المشوار
وفى الكورة انا خشبة .. وف الاشعار انا الدهشان
انا اخوان واخوانى ف كل مكان
بيحموا السنة والقرآن
انا ف تونس ... انا راشد
وف الاقصى ... أنا رائد
وبالاردن انا همام
وفى السودان نور الدايم
وفى سوريا انا حوى وانا الثائر
وفى ليبيا انا سليمان
وانا العسال ف باكستان
انا وطنى فى اى مكان ينادى ادان
انا اخوان
انا مش ملك ... ولاشيطان
انا انسان
اكيد مرة هكون غلطان
فسامحنى وخد ايدى ... واخد ايدك .. دا انا وانت صحاب وجيران
ولما تشوفنى بضحكلك بتضحكلى مع الاحضان
فليه تسمح لاعلامنا يفرقنا .... كأنى شيطان
انا ف الفجر فى الجامع ..بكون ساجد واكون راكع ... وبدعيلك اله منان ... وقول يارب جمعنا ... وقول يارب وفقنا
دا انا وانت ياصاحبى اخوان... وكل المسلمين اخوان
مادام السنة منهجنا مع القران
انا اخوان
