صائح تخفيف ملابس طفلك بالتدريج:

الفترة دي لازم تخدي بالك كويس لأنها فترة عيا وتعب للأطفال تغيير الجو كتير بيأثر عليهم علشان كده في حلقة النهاردة اختارنا نتكلم عن إزاي نخفف ملابس أطفالنا بشكل تدريجي علشان نحافظ على صحتهم في الفترة دي.

 

- أولا: لازم نتابع درجات الحرارة يعني ماينفعش نخفف أوي لطفل في موجة حر يعني لازم نتأكد إن الجو بدأ يستقر ومش هيرجع يبرد زي الأول.

 

- هتبدئي تستبدلي طبقة الصوف بطبقة قطن.. وبعد كده تدريجيا بتدرج درجة الحرارة هتبدئي تخففي طبقات الفلنات القطنية اللي بتكون تحت الملابس.

 

- حاولى دايما تخلي في جاكيت معاكي في العربية عشان لو الجو برد فجأة طفلك ميعياش.

 

- حاولي دايما تغطي راس طفلك يعني في البرد كنتي بتلبسيه أيس كاب دلوقتي هتحتاجي تجيبيله كاب صغير عشان تحمي راسه من الشمس.

 

- استبدلي البوتات الشتوي الأحذية الصوف بالأحذية القماش أو القطنية.

 

- احرصي أن تهوية البيت تكون مناسبة علشان جسم الطفل ميتأثرش لو في شوية برودة برة البيت.

 

- خلال فترة الربيع لازم تلبسي طفلك هدوم بكم، متفكريش أبدا إنك تلبسيه بنص كم قبل ما موسم الصيف يدخل والجو يبقى حر جدا.