الناشط الحقوقي هيثم غنيم عبر فيسبوك :
إلى هكتبه الآن أمانة جيالى من سجن العقرب ومطلوب توصيلها لأكبر عدد والتفاعل معها من الإعلاميين والمنظمات الحقوقية .. وكل حد بالي يقدر يعمله ، وربنا يبارك في الناس النادرة إلى لسه نضيفه:
في حالات مرضية جوه العقرب محتاجه علاج وإدارة السجن ببتعنت ورافضه وأنا هنشر جزء منها وهي:
1- المعتقل/ عبد العزيز محمد عبد السلام محمد ... عنده انفصال في الشبكية في عين والعين الأخرى عليها مياه زرقاء، ومستشفي السجن أوصت بضرورة إجراء عملية وإدارة السجن رافضة .
فيه ضابط جوه قاله أنت هتتعمى هتتعمي ، وبالفعل الأستاذ عبد العزيز الآن أصبح لا يرى تماماً ومش عارفين هل لسه فيه أمل ولا لأ.
2- المعتقل/ اسامة أحمد إبراهيم خليل ... عنده ورم على فم المعدة وعنده نزيف حاد ومحتاج جراحة، وإدارة السجن برضه متعنته ورافضة علاجه بجد.
3- المعتقل/ احمد محمود عبد الرحيم ... المفروض كان يعمل عملية تغيير لمفصل الكوع ومفصل الفخد، إدارة السجن رفضت خروجه لإجراء العملية.
4- المعتقل/ محمد فتحي الشاذلي ... محتاج عملية تغيير لمفصل الركبة، وإدارة السجن رافضه علاجه.
5- المعتقل/ محمد المحمدي ... أصيب بشلل، ومفيش علاج.
6- المعتقل/ هشام سعيد ... بيتقيىء دم ومش معروف السبب وإدارة السجن رافضه أنه يتكشف عليه ويتعالج.
7- المعتقل/ محمد يحي الشحات ... محتاج عملية ضروري في عينه وإدارة السجن متعنته برضه.
8- المعتقل/ يس عبد المنجي ... أصيب بكسر في الفخذ ومحتاج عملية ضروري، وإدراة السجن متعنته.
9- المعتقل/ طارق قطب ... أصيب بشلل نصفي بعد تعذيبه آخر مرة بسجن العقرب ونتف لحيته، ومحتاجين نلحقه بالعلاج.
10- المعتقل/ محمد عبد الرحمن حمدان أبو شيته ... عنده الآن إنفصال في الشبكية في العينين ومحتاج ععملية ضروري.
11- المعتقل/ صبري عبد الله ... كسر في القدم ويحتاج علاج ، وإدارة السجن تتعنت.
12- المعتقل/ رمضان جمعة مسعود ... تضخم في الكبد والطحال ويحتاج علاج لإنقاذه ، وإدارة السجن تتعنت.
13- المعتقل/ محمود طلعت ... كسر في إصبع القدم دون نقديم أى علاج من إدارة السجن.
14- المعتقل/ محمود أبو زيد ... كسر في الفك دون أى علاج من إدارة السجن.
15- المعتقل/ أحمد لطفي إبراهيم ... لايسمع ويحتاج لمساعدة طبية.
16- المعتقل/ عبد الرحمن كمال ... عنده فتاء وكمان في شرائح متركبة في أيده ورجله من أكثر من سنة وبتألمه بشدة وإدارة السجن بترفض علاجه.
17- المعتقل/ هشام المهدي ... عنده ضيق في المرىء، وإدارة السجن ترفض علاجه.
18- المعتقل/ عبد الرحمن إمام ... جرثومة في المعدة وإرتجاع في المرىء شديد، وإدارة السجن ترفض علاجه.
19- المعتقل/ أحمد جمال محمد ... جرثومة في المعدة وإرتجاع في المرىء شديد، وإدارة السجن ترفض علاجه.
* كل حالات الكسر نتيجة الضرب من قبل قوات اوزارة الداخلية للمعتقلين داخل مقبرة العقرب.
المعتقلين بالعقرب محتاجين مننا أننا ندعيلهم وكمان منسكتش ولو بالصراخ ونشر ما يحدث ، وكمان من كل صحفي وإعلامي أنه يتكلم ، ومن نقابة الأطباء إنها تدخل لمساعدتهم ، ومن كل إنسان أنه يحاول يساعد بالي يقدر عليه .
بعتذر لأهالي المعتقلين إلى هيشوفوا اسماء ولادهم في القايمة ده وأنا عارف قلقهم هيبقى عامل إزاى .. ربنا يثبتكم أحبتنا ... بعتذر جداً ليكوا وآسف جداً.
والله المستعان.
