نافذة مصر
كسرنا حالة الانهزام النفسي اللي كانت مسيطرة على كتير من الناس وكان العسكر بيلعبوا عليها بشكل كبير..
استطعنا بفضل الله إفشال التعتيم الإعلامي اللي حاول يعمله العسكر..
نقلنا الجولة خارج حدود رابعة العدوية .. النهاردة المسيرات كانت بتطوف كل الجمهورية
لو كانت كل الفعاليات استقرت على رابعة بس .. كان زمان العكسر هاجم رابعة وخلص الكلام .. لكن عشان المنافذ كتيرة .. والقنوات اشتغلت .. فأصبح رابعة مركز الديرة .. والمسيرات والفعاليات التانية غطاء ليه .. وده امتياز..
سينا وإسكندرية والصعيد.. رجالة رجالة.. ولسة الدنيا هتسخن هناك أكثر.. والقاهرة فتح  فيها نقاط جديدة زي الحرس والنهضة .. يعني اللي جاي أتقل..
الجيش تراجع في حاجات كتير .. الإخوة في القنوات بيخرجوا أول بأول .. والجرايد بدأت تنطبع تاني .. وإن شاء الله القنوات هتتفتح .. الخير جاي..
انكسرت الحزبية تماما .. النهاردة كنا شغالين مع بعض من كل التيارات من غير ما حد يحس إن ده من تيار وده من تيار تاني .. رغم إن فيه تيارات منهم اصلا مش طايقة بعض .. وشعور التجمع ده لوحده انجاز..
نتمنى الجولة تخلص بدري بدري.. لكن مبدئيا اعملوا حسابكم إن رمضان إن شاء الله السنة دي هنقضيه في الساحات .. وبإذن الله هيكون رمضان غير :)
المعركة لسة طويلة .. والناس اللي نفسها قصير يركنوا على جنب .. واللي خايف يروح .. اللي خايف يروح :)