نافذة مصر
( حدث بالفعل في إحدى جلسات استماع شهود النيابة بالقضية رقم 17510 لسنة 2013 جنايات ثان طنطا )
النيابة العامة : المتهمون تسببوا في قطع الطريق وعرقلة حركة المرور وتعطيل اتوبيسات النقل العام عن الحركة بشارع سعيد _ مدينة طنطا
القاضي : نادي يا ابنى على الشاهد .. ( مدير مرفق اتوبيس النقل العام بطنطا )
الشاهد : تمام يا فندم أنا موجود أهو ... وحلف اليمين
القاضي : اتفضلوا يا اساتذه اسألوه .
المحامي : ما هي خطوط السير الرئيسية لأتوبيس المرفق العام ؟
الشاهد : شارع البحر ( الجيش سابقاً ) وشارع الجلاء وشارع النحاس
المحامي : يعنى شارع سعيد ليس من خطوط سير أوبيس المرفق العام أصلاً ؟
الشاهد : أيوه
المحامي : لماذ إذا توجهت أتوبيسات المرفق العام لشارع سعيد في هذا اليوم تحديداً ؟؟؟
الشاهد : والله حضرتك انا مش عارف إحنا فوجئنا بالأمن قافل طريق شارع البحر وبيجبرنا على الدخول من شارع محب المؤدى لشارع سعيد ؟؟
المحامي : إزاى وشارع سعيد كان فيه مظاهرات ؟؟
الشاهد : انا نفسى استغربت زى حضرتك كدا ... ومش عارف ليه أجبرونى على دخول شارع محب رغم ان شارع البحر كان خالى
وهنا التقط كل من في القاعة أنفاسه ونظر الجميع للقاضي نظرت استفهام وتعجب ...
المحامي : طيب حضرتك النيابة بتتهمنى بتعطيل حركة الأتوبيس في هذا اليوم .. هل هذا صحيح ؟؟ او هل هذا حدث فعلا ؟؟
الشاهد : والله حضرتك انا موظف وجيت أشهد باللى أعرفه لكن حضرتك ممكن ترجع لإيراد يوم الواقعة وهو يوم جمعه وايراد الجمعة التى تسبقها والجمعة التى تليها وانت تقدر تقرر إن كان فيه تعطيل او لأ .
المحامى : تمام حضرتك .. طيب انت ممكن حضرتك تفيدنا عن قيمة الايراد في يوم الواقعة وايراد الجمعة التى تسبقها والجمعة التى تليها ؟؟
الشاهد : انا قدمت للنيابة رد وتقرير عن الكلام ده .. ومعايه صوره منه
المحامي : طيب .. حضرتك وضح لنا .. هل فيه اختلاف في الايراد بين الجمع الثلاث ؟؟
الشاهد : أيوه طبعا فيه فرق .
المحامي : يعنى يوم الواقعة كان أعلى ولا أقل ؟؟
الشاهد : يوم الواقعة كان أعلى ايراد من الجمعه اللى قبله والجمعه اللى بعد يوم 16/8/2013 كان الايراد 4300 جنيه ، ويوم 30/8/2013 كان الايراد 5400 جنيه ، يوم 23/8/2013 اللى هو يوم الواقعة كان الايراد 8200 جنيه .
وهنا لم يتمالك الجميع نفسه من الضحك بما فيهم قوات الامن الحاضرة بقاعة الجلسة ، وأخد الكل ينظر لبعضه نظرات تعجب وتأمل ..
المحامي : شكراً لحضرتك يا فندم .. تعبناك معانا