أرسلت والدة الشاب المعتقل مجاهد مصباح برسالة إلى الشامتين فى إعتقال نجلها ،وتؤكد على إعتزازها بنجلها وأنها ليست نادمة لأنه إعتقل بسب بدفاعة عن حريتة وحرية وطن بأكملة ،
جاء فى نصها
اللى بيلوم ويشمت فى اى حد يعتقل لانه ماشي فى مظاهرة ويقول محدش قاله يمشى فى مظاهرة وهو عارف كويس انه بيدافع عن حقي وحقك وحق كل مظلوم و حق ربنا أولا ودفاع عن دينه ودينك اللى انت بتنتمى اليه ...
وعارف كويس جدا انه لا بيقتل ولا بيخرب و معاه سلاح زى ما انتو بتفترو عليهم ...
وبكرة ان شاء الله هيجى الفرج والنصر بإذن الله بس للأسف الخير لما يجى هيعم ع الكل وانت اولهم ياللى بتلوم عليه ... وساعتها لما يجى الخير يا ترى هتقول هو سبب فى الخير ده ولا ساعتها هتقول ايه ؟؟؟؟؟
وللأسف تانى الشر لما جه وعم عم عليهم هما بس بفضل عمي قلوبكم وبصيرتكم عن الحق وكل اللى يهمكم مصالحكم وبس لا يهمكم دين ولا مصلحة عامة ...
بقول يارب كل من يشمت فى حد منهم يشرب من نفس كاس الظلم بس ساعتها يفكر بعقله الفرق بين الظلم فى سبيل الله والظلم فى سبيل المصالح الشخصية .
اللهم صبر قلب كل ام واب اخ واخت وزوجة وولد على فراق عزيز لهم .
وأقول لهم ان فرج الله قريب ... ويقينى بنصر الله قريب ان شاء الله
وحسبنا الله على الظالمين ...
حسبنا الله ونعم الوكيل فى كل ظالم ...
رسالة من أم الحر البطل ... مجاهد مصباح
#الحرية_لمجاهد_مصباح
