عيني عليكي يا بلد ظلمك بقى زيادة
وكأن ظلمك يا بلد بقى فرض وعبادة
ولو لقيت الظلم ساد ..
والعذاب والقهر عادة
أوعى تسأل مين سببهم ..
ده السبب حكم البيادة
ناس بتاكل م الزبالة . والزبالة بالخِناق
ناس بتاكل من أوربا. عَدُّوا حد الاكتفاء
ناس لها (شرم ومارينا) ....
ناس لها (شبرا وبولاق)
ناس تموت م الجوع عيالها ...
غيرها بيموت م الثراء
هو دا حكم البيادة
وأما تيجي تِعَلِّي صوتك ...
ع اللي متحكم ف قوتك..
واللي بيشارك ف موتك
فيلسوف الغبرة يِطْلع ..
تسمع الرد بغباء
هو دا حكم البيادة
يتهمني بالعمالة.
وإني إرهابي وحثالة.
ع البلد عايش عِوالة.
وإني مش عندي انتماء
رغم إني حبي صادق..
حب مبني ع المبادئ.
والبعيد أكبر منافق .
حبه مبني ع الرياء
وأما باجي أنقد وأصَلَّح .
.ينجعص ويقوم مِصَرَّح
مش كدا أحسن ما نصبح .
.زي سوريا والعراق؟؟؟؟؟؟
شاهد الكليب:
