استغاثت الفنانة نادية رشاد من قانون الإيجار القديم، معبرة عن قلقها من فقدان شقتها، فيما قال ناشطون إن السيسي "بيرمي أمه في الشارع" حيث كانت هذه الممثلة من قامت بتجسيد قائد الانقلاب في مسلسل الاختيار.
وقالت نادية، في تصريحات صحفية": "أنا عايشة في إيجار قديم ومن سكان المهندسين، وأنا بستغيث من القانون لاني عايشة في شقتي بقالي سنين، وعقد الإيجار بيني وبين المالك مباشرة يعني مش ورثاها من والدي أو والدتي".
وتابعت: "مقدرش أشيل عفشي وأمشي وأنا في صحتي المتدهورة دي".
واستكملت: "وأنا مع تحريك الأجرة والأسعار ومعنديش مشكلة في ده وموافقة عليه، بس عندي أزمة كبيرة اني أتنقل من شقتي وأنا ست كبيرة ومش هعرف أعيش غير فيها الباقي من حياتي، وأي حاجة تانية غير كدة مش مقبولة بالنسبالي".
وأضافت: "صاحب العمارة راجل محترم، ولما خدت منه الشقة كإيجار قديم كان بالتراضي بينا ولم يكن بالغصب، ولكنه رافض ياخد مني إيجار الشقة لحد ما يتحدد القانون ويصدر رسميا ويتم العمل به".
ردود الفعل
قال الإعلامي محمد ناصر تعليقا على ذلك، "السيسي الفـ ـاجر رمى أمه في الشارع.. الممثلة نادية رشاد تستغيث من قانون الإيجارات القديم!".
https://x.com/MekameleenMk/status/1947026223554842935
وأضافت النشطة نسرين نعيم "ولا يهمك يا فنانة نجبلك ناس تشيل العفش وابقي راضيهم" .
https://x.com/nesrinnaem144/status/1946990987701555551
وسخر رمزي " الممثلة «نادية رشاد» أم السيسي في مسلسل الإختبار تستغيث { أنا عايشة فـ إيجار قديم ومش هعرف أعيش غير فـ شقتي ٠٠ أنا عايشة فيها بقالي سنين و مقدرش أشيل عفشي وأمشي وأنا في صحتي المتدهورة دي ﴾ === السيسي :::-» ولا يهمك ٠٠٠ نجيب لك ناس تشيل العفش و إبقي راضيهم".
https://x.com/RamziSouga/status/1946900153329172610
ولفت طارك "السيسي باينه إتجنن!.طيب نادية رشاد ومقدور عليها.لكن هناك لواءات مخابرات السيسي الذين يسكنون في شققا بمصر الجديدة و بمدينة نصر إيجارا قانونا قديما.هؤلاء الجنرالات هم عصب نظام السيسي و السيسي يعتمد عليهم في إدارة البلاد.لواءات طيبون لكن إتقي شر غضب الحليم!.".
https://x.com/TarekAb21675648/status/1946792514104459619
وقال عصام "الممثلة #نادية_رشاد تستغيث أنا عايشة في إيجار قديم ومش هعرف أعيش غير في شقتي ، أنا عايشة فيها بقالي سنين ومقدرش أشيل عفشي وأمشي وأنا في صحتي المتدهورة دي عشان تبقي تخبيه أوي من عيون الناس وهو صغير داكي داء السل أما يسلك".
https://x.com/Q1Ud8iCqzNOuDkr/status/1946682158996767152/photo/1
وتهكم حساب الواثق بالله "الشقة اللي انت قاعدة فيها يا امه لازماني".
https://x.com/wasekballah/status/1947053628872872313
وأشار حساب المدرس "وإيه الغريب في هذا، السيسي خزن جثة أمه الحقيقية في الثلاجة وذهب يحتفل بافتتاح تفريعة قناة السويس. ناديه رشاد يدوب قامت بدور أمه في مسلسل،حيعملها خاطر؟! كانت تقدر تعتذر عن هذا الدور بأي حجة وخاصة في سنها المتقدم، لكنها أختارت تلميع صورة الظالم، فلتتذوق الأن ظلمه في صمت ولا تزعجنا".
https://x.com/02_teacher/status/1947013161476829540
وتعد نادية رشاد ثاني فنانة تستغيث من القانون بعد الفنانة نبيلة عبيد التي أعلنت عن خوفها من فقدان شقتها التي احتضنت كل ذكرياتها ونجاحاتها الفنية فيها، قائلة: "الشقة دي بداية من رابعة العدوية لحد الراقصة والسياسي، شوفت فيها كل النجاحات اللي عيشتها، كل حاجة حلوة عملتها كانت فيها، أنا لما بفتح الباب وأخش، بشم ريحة أمي.. لأنها عاشت معايا، وأنا لا اتجوزت ولا خلفت، دي حياتي كلها.. من ساعة ما سمعت بالقانون الجديد، وقلبي بيدق.. ماطلبوش مني أخلي الشقة، بس أنا قلقة، ولو هيعلوا الإيجار معنديش مانع. دي مش شقة، دي تاريخ. فيها هدومي بتاعة أدواري، والمجلات، وألبوماتي. أنا ضحيت بحياتي عشان شغلي، ومين هيحتفظ بالحاجات دي بعدي؟، بكرة ألاقيها على سور الأزبكية".
