طالب ناشطون بارزون في ثورة يناير وليبراليون بالحرية للمعقتلين، بعد أن أقدم المعتقل السابق سامح سعودي على الانتحار على الهواء مباشرة مساء الأربعاء، بعدما مر بظروف صعبة نفسيًا وماديًا من وقت خروجه من المعتقل.
وعبر فيسبوك قالت الناشطة إسراء الحكيم، زوجة الصحفي سامي كمال الدين (Israa Alhakeem): "سامح سعودي انتحر من شوية على البث المباشر.. شايفين الظلم فى البلد دى بيوصل الإنسان لإيه!؟ .. ذنبه فى رقبة السيسي ونظامه وكل إللي بيساعده يستمر فى ظلم و إحباط الناس بالشكل دة .".
واستدعت "الحكيم" تغريدة من حساب سامح سعودي يعرف فيها نفسه نشرها في 23 سبتمبر 2024، فقال "انا اتحبست في 2017 في قضية اتحاد الجرابيع .. واتحبست في 2018 في قضية السفير معصوم مرزوق .. وبعد ما خرجت بشهرين اتحبست في 2019 قضية محمد علي وخرجت في شهر 6- 2022 .. انا عرفت دلوقتي هما خرجوني ليه .. لآني خلاص اتدمرت ومبقتش افرق معاهم .. عارفين ان هيكون كل همي هعرف اعيش إزاي وفعلاً طلع معاهم حق .. يا الف خسارة على جسد بدون روح .. يا الف خسارة على امل محبوس .. يا الف خسارة على حب عشته وطلع مغشوش".
الناشط عبدالرحمن الجندي (Abdelrahman ElGendy ) الباحث الأكاديمي بالولايات المتحدة والمهتم بقضايا المعتقلين، قال: "سامح من حبة قطع شرايينه في لايف فيس بوك ع الهوا. طبقًا لأخوه اتلحق قبل ما يوَدّع واتنقل المستشفى. (الفيديو بشع ومش عارف أشيله من دماغي، أرجو عدم مشاركته.)".
وتساءل "الجندي"، "السؤال لحد امتى سامح واللي زيه هيفضلوا في العذاب ده؟ لحد امتى عشرات آلاف المعتقلين هيفضلوا مدفونين وبيموتوا في السجون قتل عمد هما وأهاليهم؟ هيفضلوا لحد امتى حتى لما يفلتوا بمعجزة يطلعوا على ملاحقة ومتابعة ومراقبة وإعادة اعتقال مبينتهيش وحياة بلا حياة لحد ما يقرروا هما ينهوها بنفسهم؟ ".
وأضاف، "ليا صحاب وآلاف زيهم خللوا في السجون في سنتهم الـ 12. ليا صحاب قضوا أحكام بـ 10سنين كوامل وخرجوا لسه بيقضوا في 5 سنين مراقبة بقالهم سنتين كل يوم ف القسم من 6 ل 6. ليا صحاب ماتت في السجن، يا مقتولة يا منتحرة، وما انتحار السجن إلا قتل هو التاني. وبعدين؟
ربنا ينجي سامح ويعيش، لكن الأهم، ربنا يرحمنا ببلد تديله أي حاجة يعيش عشانها أصلًا".
ونشرت ليبرالية @Libertaaa8aaa "فيديو سامح سعودى مؤذى اوى وصادم ويارب الاخبار الى بتقول انه لسه عايش تكون بجد ويقوم بالف سلامة لأهله واحبابه ويروق باله ويفرج عنه سامحنا ي سامح انت وكل ال زيك نعرفهم او منعرفهمش اتاخرنا عليكم اوى وتماهينا مع ظلمكم وطبعنا مع بطش الجلاد .. يارب نصلح غلطنا قريب ونلحقكم كلكم🤲".
https://x.com/Libertaaa8aaa/status/1910122045595082964
الرئيس الأميركي دونالد ترامب: سنفرض رسوما جمركية إضافية بنسبة 50% على الصين بدءا من 9 أبريل إذا لم تسحب بيكين الزيادة البالغة 34%، والمفاوضات مع الدول الأخرى بشأن الرسوم الجمركية ستبدأ على الفور
