"اللي هيقدر يتجوز يقدر يدفع"، هكذا تحدث قائد الانقلاب عبد الفتاح السيسي، على هامش افتتاحه لمشروعات جديدة في مجمع الصناعات الكيماوية في محافظة الجيزة.

وأعلن السيسي خلال كلمته عن إنشاء صندوق جديد باسم "صندوق دعم الأسرة المصرية"، بحيث يدفع فيه من يريد الزواج رسومًا بسيطة، بحجة تمويل موارد الصندوق، جنبًا إلى جنب مع الحكومة.

وأردف: "لقينا وزارة التضامن بتقدم مساعدة للأسر يعني إن المبالغ الموجودة من الأرباح مبقتش متواجدة، وبقى في مديونية 300 مليون، هقف اتفرج على الموضوع واسكت؟ لا قولت نعمل صندوق واللي هيتجوز هيحط في الصندوق مبلغ بسيط كل الناس تقدر عليه، اللي هيقدر يتجوز يقدر يدفع المبلغ ده مش بتعملوا فرح وتقعدوا تتخانقوا على الشبكة والفرش".

ونتيجة لذلك، أعلن المستشار عمر مروان، وزير العدل، اليوم، عن إنشاء صندوق لدعم الأسرة تسهم فيه الدولة بنحو مليار جنيه.

الحق اتجوز قبل ما تدفع!

وسخر العديد من المغردين من تصريحات قائد الانقلاب، وأصبح الحديث بينهم: "الحق اتجوز قبل ما تدفع!"، فخلال شهرين سيتم الانتهاء من قانون الأحوال الشخصية الجديد، والذي سينص على إنشاء صندوق لدعم الأسرة ويموله المقبلون على الزواج حديثًا، بحيث يتم إقرار مبلغ معين من المال يدفعه العريس ويضاف إلى مصروفات عقد القران.

"هو شغل استعباط!"

وقال الكاتب الصحفي سليم عزوز: الزواج بلجنة.. واللجنة يرأسها قاض، زواج أم فعل جنائي، فيه ايه يا حاج؟".

وغرد عمرو: "مش لما توفر إسكان للشباب الي هيتجوز ومسهلو الدنيا يبقي ندفع انما إحنا دلوقتي الي هيقول عايز فلوس هاخد عينه ابيعها واديلو حقها".

وسخر إيهاب السبكي من كلام السيسي وقال: " اللي بقي!!!!!!! في حد هيتجوز هنا يا جماعه!!!!! في استاذ عزوز 95 سنه في الدور التاسع. مين تاني؟".

وقالت الفراشة الحائرة: " ده على أساس إن الشباب قادر يتجوز أصلًا.. ده نص جهازهم أقساط منكم لله.. حسبنا الله ونعم الوكيل هتضيّقوا على الناس أكتر من كده هتعملوا فيهم إيه تانى".

بينما انفعل أحمد إيراهيم على القرار، ورد عليه " محدش يدفع ولا جنيه لو حتى هيكتب الكتاب عند محامى علشان الحقوق فقط هو شغل استعباط".

"دي سرقة عيني عينك"

ووضح باسم كيف يعاني الشباب من أجل الزواج، فقال: "ياراجل الناس بتشطب الشقق قسط وتحويشه العمر علشان الشاب يتستر ويستر بنت الحلال صندوق ايه وعلبه ايه".

واقترح البرنس أن تساعد الدولة الشباب وليس العكس: "انتوا بتحاولوا تجبروا الناس على الحرام بسبب صعوبه الحلال.. المفروض الدوله تساعد الشباب وتصرف لهم معونه زواج وتعملهم معارض وتخفيضات على كل ما يحتاجه بيت الزوجيه.. انتوا للأسف عايزين الناس كلها تبقى شمال".

وقالت نورا خليل: " انت يا لص عاوز تسرق حتي فلوس الشباب اللي اصلا مش عارفة تتجوز بسبب الغلاء وعدم وجود فرص عمل.. انت عاوز تخرب البيوت.. يا يه#ودي يا فاجر".

وكتبت نيفين شلبي: " دي سرقة عيني عينك ده مافيش حاجة هماه خالص ولا كأن الناس دي شوية حشرات".

بينما توجه ماجيك بيري بالقول: "بمناسبة قادرين علي الجواز فيه شاب لسه ميت في بولزانو في إيطاليا كان مسافر من مصر عشان يساعد اخته في جوازها و مات هناك من البرد لانه نام في الشارع  مسمعناش صوتك ليه ساعتها؟  ان شاء الله زي ما انت بتضيق علي الناس حياتهم قبرك هيبقي ضيق برضو بس هتبقي لوحدك مش وراك شلة المنافقين دول".