أثار خبر غرق ناقلة بترول عسكرية مما تسبب في سقوط 500 طن فوسفات في مياه النيل موجة من الهلع للنشطاء والمتخصصين على مواقع التواصل الاجتماعي مؤكدين أن هذا الامر خطير.

حيث قال الناشط محمد عطية في تدوينة : النهاردة في قنا في 500 طن فوسفات (500 ألف كيلو) غرقوا في مياه النيل ,, متتخضش ,, دي كارثة بيئية بسيطة زي أنفجار مفاعل تشيرنوبيل كده فالإعلام بيتعامل معاها بسلاسة ,, فلو حضرتك بجد عندك نية حقيقية ميجيلكش كل الأمراض اللي لسه ملقولهاش علاج ياريت متشربش من الحنفية ولا تاكل أي سمك بيطلع من النيل خالص ,, أنقطع عن النيل والأكل منه لشهور أشرب مياه معدنية فقط حتى لو معكش فلوس تاكل .. الموضوع بجد مش هزار "بحسب وصفه".

فيما قال الناشط حسام مجدي:  يا جماعة في مصيبة بيئية حصلت في مصر .. لو كانت حصلت فأي دولة محترمة في العالم كانوا أعلنوا حالة الطوارئ القصوى و بدأ الإعلام و المدارس و المراكز توعي الناس بالإجراءات اللي المفروض يخدوها عشان اللي حصل ده .. في 500 طن فوسفات غرقوا في مياة النيل عند قنا .. أيوه 500 طن يعني 500 ألف كيلو ..

لو حابب تعرف مدى الضرر اللي ممكن يسببه ارتفاع طفيف في نسبة الفوسفات في المياة ممكن سيادتك تكتب في جوجل : phosphate pollution effects .. صدقني مش هتشرب مياة تاني من الحنفية لمدة سنة على الأقل .. و بما إن الإعلام بيتعامل مع الحادثة باعتبارها حادثة سير عادية مش مصيبة بيئية رهيبة .. فأحب أحذر صحابي و الناس اللي بتشوف الكلام ده أنها متشربش أي مياة من الحنفية أو حتى من الفلتر لمدة شهور على الأقل .. و لغاية ما يتم التأكد أنهم انتشلوا الأطنان دي .. و تقعد بعدها شهر على الأقل كمان متشربش منها .. المدة دي اجتهاد مني بما إن مفيش حد طلع قالنا نعمل إيه في المصيبة دي لغاية دلوقتي و الإعلام مشغول باستضافة زينا لتهنئتها بنسب الولاد لأحمد عز .. المياة المعدنية لازم تبقى أسلوب حياة بالنسبالك لو مش عايز يجيلك سرطان أو عجز جنسي أو مشاكل في البصر أو التنفس ..

طبعًا مش هتكلم إن أي سمك نيلي لازم تتعامل معاه على انه نوع مدمر من المخدرات يجب عدم الاقتراب منه لفترة لا بأس بها .. مش عارف تأثير ده هيبقى إيه في المنتجات الزراعية اللي بتتروي مباشرة من مياة الري .. بس انا حزين و الله .. مش بس عشان ده حصل .. عشان أقصى تعاطي مع الموضوع هوه إن سيادة وزير الري وجّه السادة المسئولين بإغلاق محطات الشرب ! .. في حين إن أي دولة تانية كان طلع رئيس الوزراء و نبّه على المواطنين يعملوا إيه في الكارثة دي و وضح هوه يتعامل معاها ازاي و الخطوات اللي هتتاخد عشانها ! .. بس عادي يعني احنا فمصر .. المهم دلوقتي ناخد بالنا من صحتنا او صحة ولادنا على الأقل .. و ننشر الكلام ده لناس كتير عشان تاخد بالها .. و متشتروش أي مياة معدنية برضه لأن فيه انواع مخالفة لمعايير السلامة الصحية و فيه شركات بتبيع من غير تصريح .. خلليك في الأنواع المشهورة أفضل.

ويضيف أحد المتخصصين قائلا : الفوسفات الصخرى المصرى هو من اجود الانواع فى العالم ... اليوم اصطدم صندل نهرى عسكرى بكوبرى فى صعيد مصر ..

عادى ماكلنا عارفين ان بتوع خير اجناد النهر مابيعرفوش يسوقوا اساسا ... لكن اللى موش عادى ان حمولة الصندل وقعت فى نهر النيل العظيم .. 500 طن من الفوسفات الصخرى غرقت .... يحتوى طن الفوسفات على 200 جرام يورانيوم !!! يعنى عندنا فى النيل ساعة كتابة السطور 10 ك يورانيوم مشع !!! غير قابل للازاله ...

و الفوسفات ثنائى الكالسيوم ماده سامه ....و هو يذوب قليلا فى الماء .... يعنى اشعاعه و سميته ستظل آلاف السنين و هى ليست مبالغه تهدد صحة اولاد اولاد و كررها مائة مره اولادنا ..... (العسكرى سمم النيل بإهماله ... بالمره قبل ماينشف)