أعلن عدد من النشطاء النوبيين، أنهم قد تقدموا بطلب لشرطة الانقلاب بمحافظة أسوان لتنظيم مؤتمر لمناقشة مشاكل أهالي النوبة إلا أنها رفضت التصريح لهم بعمل المؤتمر إلا بشروط قمعية شديدة وهذا ما رفضه القيادات النوبية.

وتسائل الناشط النوبي، أحمد عبده - على هذا التصرف الأمني المتشدد قائلا " احنا بقينا ارهابيين واللا ايه ياسيسي " .

وقال حمدى عبد الغفار للقيادات النوبية " اعملو حسابكم شكلهم ناويين علينا ما تطلبوش أى حاجه تانية من حكومة محلب لأنها مرفوضة" .

وقالت الناشطة النوبية، منى جعفر - ياشباب هى كانت مسأله وقت وكله هيدخل فى المفرمة مش قال مفيييش ربنا يستر .

وصرح بلهجة حزينة الناشط النوبي، خالد عبد المعين - قائلاً " والله صعبان عليا يابلدى مفيش رئيس عبرنا زى مرسى وللأسف قياداتنا كانوا سبب من الأسباب الانقلاب على الرئيس محمد مرسي.

وقال محمود عبدون " نفسى اللى عامليين فيها ثورجيه ونشطاء سياسيين يبينوا نفسهم " .

وعلق عدد آخر من قيادات النوبة قائلين " احنا مهمشين فى كل العصور وهنبقى مهمشين ومش هنعيش زى الأحرار لان عندنا قيادات بتحب نفسها ومصلحتهم أكثر من مصلحة بلادهم والقرى التابعة لهم وحتى اللى بيدور على مصلحة القرية، يا إما عايز كرسى فى البرلمان يا عايز الناس تحكى عنه على القهاوى وفى البيوت فلان بيعمل فلان بيعين فلان بيتصدق عايزين رجاله تعمل لمصلحة الدين ثم لخدمة اهالي النوبة لان من غير دين محدش بيبص للغلبان وحسبناالله ونعم الوكيل " .