الاسماعلية-خليل إبراهيم :

تصاعدت شكوى مواطنى محافظة الإسماعيلية من ارتفاع متطلبات المدارس هذا العام فى ظل الارتفاع المتزايد للأسعار فى عهد الانقلاب العسكرى .

وأعرب المواطنون عن عدم قدرتهم تلبية احتياجات ابنائهم فى ظل ارتفاع الغلاء الفاحش الذى عم كل السلع -بحسبهم-وشعر الطلاب أنفسهم بهذه الأزمة فضلا عن أولياء أمورهم. قال عبدالرحمن عبده طالب بالمرحلة الثانوية :احنا عالم على قد حالنا والمدارس داخلة ومش هنلاحق على الكتب الخارجية وللا الدروس وأبويا السنة اللى فاتت صارف علينا 15ألف جنيه لأننا كلنا شهادات .

وأضافت أم إسراء مدرسة :المدارس داخلة مع غلاء الأسعار اللى احنا فيه مع المواصلات والناس ظروفها مش سامحة بزيادة الأسعار وكمان العيد داخل وكل حاجة غالية مش لاقينها بالأسعار اللى تناسب الناس.

وفى نفس السياق قالت أم محمد عاملة : احنا السنين اللى فاتت مكناش بندفع مصاريف لأننا معندناش لكن السنة دى هيدفعونا غصبا عنا وانا عندى خمس عيال وبحثت عن شغل وأنا تعبانة والغلاء اللى احنا فيه فى كل حاجة . وأوضحت أن أبناءها ستحتاج لكتب خارجية ومصروفات و مواصلات وسندوتشات وتساءلت هنجيب منين ؟.