كتبت- ولاء عبده
اطلقت قوات أمن الانقلاب علي مسيرة العوايد الغاز والخرطوش مما نتج عنه اصابة اربع بنات بالخرطوش
وكان التحالف الوطني قد دعا مساء اليوم لعدد من المسيرات الحاشدة فى مختلف أحياء المحافظة، للتنديد بمسرحية الانتخابات الرئاسية، ورفضا لتنصيب قائد الانقلاب رئيسا للجمهورية.
حيث انطلقت المسيرات من مناطق محرم بك والعوايد و أبو سليمان بوسط وشرق الاسكندرية، والورديان وبرج العرب بغرب الاسكندرية.
وتقول منة الله محمد - إحدى الفتيات اللاتي أصبن بمسيرة العوايد، "كنآ قاعدين انا وابرار وجهاد وسمية اختي .. بعيد عن مكان تجمع المسيرة، لقيت مرة واحدة 5 أشباه رجآل قالولنـآ قاعدين هنا ليه أيوة انتم بتوع المسيرات، وشاور على واحدة واحدة ويقولها انتي ايوة بتاعت المسيرة وأنتِ وأنتِ، كنآ قاعدين احنا الأربعة في الأرض قالولنا قوم اقفي انتي وهي .. موبيلاتكوا أنتي وهي
ادينا ليه الموبيل .. كسرهم كلهم "
وأكدت أنه قام بضرب زميلتها ابرار في كتفها والتي صرخت بسبب قسوة الضربة .. سمية اختي كان معاها جراب حطه فيه الموبيل وهو بيفتش كان معاها 5 جنية قالها ايه الورقة دي قالتله دي 5 جنية يا عم .. ضربها بالقلم خلها ترجع لورا وقالها صوتك مايعلآش ع الباشا !
وأضافت "بعد كده مسكني انا وقالي هاتي النضارة إللي انتي لآبها دي .. أديتها ليه وكسرها
وضربني بالبوكس في عيني ! "
وتابعت، بعد كدة مسك جهآد وضربها برضو .. وراح مشنكل كل واحدة فينآ من رجلهآ وهبدنا على الأرض من شدة الضربة مش قادرة اتحرك .. الحركة دي اتكررت كذا مرة ومسكني انا وابرار من شعرنا و وخبطنآ في وش بعض ومسك أختي وجهاد وخبطهم في وش بعض طلعنآ نجري .. ضربوا عليا انا واختي خرطوش .. اتصابت في أذني إلا أنها بفضل الله جاءت في الطرحة ولم تدخل أذني، وبعد كدآ وجهوآ السلاح ع أبرار وجهاد ودخلت انا واختي عربية ووصلنآ الرآجل ..
