نافذة مصر
اوعوااااا تنسوا ....انتوا نور عنيناااا نيناااا نينااااا

المكان : قصر الإتحادية .
الزمان : مش هتفرق .
الحضور : السيسى و حكومته .
الموضوع : مسلسل ارتفاع الأسعار .
السيسى : اتفضلوا اقعدوا .
الحضور : شكرا يا ريس .
السيسى : إيه آخر الأخبار ياباشمهندس محلب ؟
محلب : كله تمام يا ريس ، البلد زى الفل .
السيسى : نفس عميق ، طيب ، هنعمل إيه فى موضوع الأسعار ؟ البنزين و الغاز و الجاز .... وخلوا بالكم الشعب المصرى الأصيل تعبان و لم يجد من يحنو عليه ، فإحنا عايزين نحنو عليه .
محلب : والله ياريس – لسه هيرد محلب –......
السيسى : الشعب لازم يتحمل علشان مصر علشان مصر ، مش كده يا جماعة ولا إيه ؟
الحضور : فى نفس واحد طبعا طبعا يا ريس .
*** إبليس كان حاضر و بيدعى ربنا يستر على المواطن المصرى الغلبان ......
السيسى : الزيادة مش كتير ، إيه يعنى لما سعر اللتر لبنزين 95 بـ 625 قرش بدل من 585 قرش ، كلام فاضى و لا مش كلام فاضى ؟
الحضور : كلام فاضى يا ريس .
السيسى : وبنزين 92 يبقى اللتر 260 قرش بدل 185 قرش و كمان بنزين 80 يبقى 180 قرش بدل 110 قرش ، بالمناسبة بتشوفوا برنامج " رامز قرش البحر " هههههه حلو اووووى مش كده
الحضور : حلووو اوووووى ياريس .
***إبليس يبكى بحرقة : الله يخرب بيتكم ، والله المواطن المصرى هيدخل الجنة ، هيلاقيها منين و لا منين دى الرحمه حلوة يا أخوانا .
السيسى : أكيد هيكون فيه ردود أفعال من الشارع المصرى و جماعة مرسى هيستغلوا الحكاية دى ،هنعمل إيه و هنواجهه الحكاية دى ازاى ، هسمع حضراتكم ، وهبدأ بالمهندس محلب ، ألا قولى ياباشامهندس الإول اسمك " محلب " هيعقد المواطنين ، هههههههه الحضور يضحكوا و معهم محلب ،
محلب : اغيره ياريس ، لمجلب ، بالجيم .
السيسى : برضوه الناس هتعقد منك ، هسميك لبلب، لبلب ، ها يا لبلب هنواجهه رود الأفعال ازاى ؟
لبلب : ياريس احنا معنا شرعية 30/6 و الإعلام و رجال الأموال ، والجيش والشرطة ، اللى هيخرج عن القانون هنتعامل معه وكله بالقانون .
السيسى : و أنت إيه رأيك يا محمد إبراهيم ؟
محمد إبراهيم : والله ياريس رجالتى بينفذوا القانون و أى خروج عن القانون ، هنتعامل بالقانون و علشان القانون .
السيسى : رأيك إيه يا خالد يا حنفى بصفتك وزير التجارة و التموين ؟
حنفى : ياريس أنا هدى تعليماتى بعد الإجتماع مباشرة لكل مديريات التموين للثناء على قرارات ارتفاع الأسعار وأنها تصب فى مصلحة المواطن و نستعين برجالتنا فى كل مكان .
***إبليس هيموت من النحيب على المواطن المصرى .
السيسى : بقية الوزارء وراء بعض ، كل واحد يقول رأيه فى كلمتين وبس .
وزير النقل : ياريس بعد إذن حضرتك ، محتاجين الإعلام يساعدنا زى كل مرة .
السيسى اتكلم على طول يا باشمهندس هانى .
وزير النقل : يعنى مثلا مدام لميس تطلع و تمدح فى القرارات و أنها هتصب فى مصلحة المواطن و إنه المواطن بره بيدفع دم قلبه علشان يروح الشغل مع كام متصل يهتفوا للقرارات ، وممكن تجيب تقاريرلمظاهرات فى بعض الميدان تؤيد القرار و تؤيد سيادتك " بالجاز والغاز ... احنا معاك ياريس وهنشيلك فوق الرأس " .
السيسى : قرار يا باشمهندس محلب .
امر يا فندم.
يتم التنسيق مع رجالتنا فى الإعلام والصحف وده دورهم الوطنى تجاه مصر ، عايز كل الصحف بتاعتنا و المحطات اللى بتحب مصر ، ها بتحب مصر ، تشوف شغلها يعنى مثلا ، عايز أقرأ أخبار زى :
" مظاهرات تجوب شوارع مصر تؤيد الإصلاحات " وعايز لفظ اصلاحات يتكرر ... " كمل جميلك و بأمر الشعب ... احنا وراك ياريس "
و إبراهيم عيسى يكتب : السيسى ..." يُصيب " فى اتخاذ القرارات و يرفع المواطن المصرى بتقنين الأسعار .
أحمد موسى : الله عليك ياسيسى هو ده الكلام ، مش زيادة قليلة تمنع بلاوى كتيرة ... مش أحسن ما نشحت من أمريكيا .... كلنا وراك ياريس .
خالد صلاح: " الله عليك ياريس .... هو ده القرار ... هو ده الكلام .... زيادة بسيطة علشان الفقير يعيش و يستريح " .
توفيق عكاش: وأكسمُ بالله و أكسمُ بالله العظيم أن هذا الرجل السيسى يعملُ من أجل مصر و من أجل مصر يعمل ، اينا قرااااراااات ياريس ، مش بدل ما نمد إيدينا لجوز موزه و أمريكا ، إيه يعنى لما بنزين 500 يزيد جنيه وربع فى ارتر.
إبليس قام يصلى ركعتين من اللى بيشوفه .....
بنت الخياط : يا سلام عليك يا محلب لما تتحلب و بتوجيهات سيادة الرئيس الصائبة القوية اللى زى المهلبية " .
الأهرام و أخبار اليوم و الجمهورية : السيسى يرفع الأسعار من أجل المواطن الغلبان "
وخبراء الإقتصاد يؤكدوا إنه القرار فى صالح الوطن و المواطن و كمان القرار تأخر كثيرااااا .
السيسى : ها حد عنده حاجة عايز يقولها ولا كفاية كده علشان بقى لنا ساعة منورين قاعة الإجتماعات ،عايزين نوفرعلشان مصر .
لبلب : يا ريس بعد إذن حضرتك ما نطلع كل القرارات فى الشهر الكريم بالمرة و نخلص ، وتبقى ضربة وحده ، يعنى نصدر قرارات رفع الأسمدة والإتصالات و نعدل قانون المرور ونزود الغرامات الفورية ، والضرائب على العاملين بالخارج وبقية القرارات ...
السيسى : لااااااااااا مش كده يا لبلب .... المواطن يفرفر مننا ..... وحده وحده وحد يكلم برهامى عايزين كام فتوى فى السياق .
*** إبليس أغمى عليه ..... وصدر القرار
*** مسروق بن مسروق