نافذة مصر
ننشر أنشودة " حبسة دي ولا إلتزام " من تأليف معتقلي سجن طنطا العمومي , والتي أعربوا فيها عن رضاهم التام بقضاء الله وقدره , ومدي إصرارهم وعزمهم علي استكمال الثورة مهما كانت التضحيات
كلمات الأنشودة
حبسه دى ولا التزام ... التزام التزام
لما بتقضى ليلك فى الدعاء بتناجى سيدك
الدموع ع الخد تشهد صدق توبتك مش كلام
حبسه دى ولا التزام ... التزام التزام
~~~~~~~~~~~~~~~~~~~~~~~~
لما بتزل الشيطان لما بيزيد الايمان
لمايشهد المكان انك القدوه الامام
حبسه دى ولا التزام ... التزام التزام
~~~~~~~~~~~~~~~~~~~~~~~~
لما يبقى كل همك بالعباده ترضى ربك
لما بتجدد فى عهدك شئ يقينى مش كلام
حبسه دى ولا التزام ... التزام التزام
~~~~~~~~~~~~~~~~~~~~~~
لما يومك تبقى صايم لما ليلك تبقى قايم
لما يبقى السجن نايم وانت فى ضيافه كريم عنده بتنول المراد
حبسه دى ولا التزام ... التزام التزام
~~~~~~~~~~~~~~~~~~~~~~~~~~
لما بتركز فى وردك تفهم القرآن بقلبك
والمعانى تبقى واضحه وحى من رب الانام
حبسه دى ولا التزام ... التزام التزام
~~~~~~~~~~~~~~~~~~~~~~~~
لما تندم ع اللى فات لما تبدأمن سكات
لما تتمنا الثبات لما توهب له حياتك من البدايه للختام
حبسه دى ولا التزام ... التزام التزام
~~~~~~~~~~~~~~~~~~~~~~~~
لما بتراجع حسابك والثواب يبقى قصادك
تنوى مش ممكن هترجع للذنوب او للآثام
حبسه دى ولا التزام ... التزام التزام
~~~~~~~~~~~~~~~~~~~~~~~~
لما بتقابل عيالك اللى هما رأس مالك
والرضا ع الوش باين حتى لو منعوا السلام
حبسه دى ولا التزام ... التزام التزام
~~~~~~~~~~~~~~~~~~~~~~~~
لما تخرج وانت حاجز لك مكان فى الجنه فايز
محلى رؤية الصحابه والنبى خير الانام
حبسه دى ولا التزام