تدوينة تداولها نشطاء بمواقع التواصل الاجتماعي بعنوان : يعني إيه السيسي نصاب؟
يعني يطلع يقول أننا محتاجين نبني 20 ألف مدرسة هيكلفوا البلد 500 مليار جنيه
احسبها معايا ... 500 مليار جنيه علي 20 ألف مدرسة، يعني المدرسة هتكلف 25 مليون جنيه. لو كل مدرسة فيها 3 سنين و كل سنة فيها عشر فصول يبقي الفصل الواحد تكلفته 830 ألف جنيه.!!! هو الفصل بيبقي كام متر؟ دي الشقة المائة متر متوسط سعرها لا يصل إلي ربع الرقم ده ... حط جنبها أن الأرض ببلاش و العمالة بالسخرة في الجيش .... يبقي بنتكلم عن أسمنت و رمل ب 830 ألف جنيه للفصل الواحد!!!
نقطة تانية، لو إفترضنا أن الفصل فيه أربعين طالب يبقي المدرسة الوحدة فيها 40 طالب * 10 فصول * 3 سنين = 1200 طالب في كل مدرسة ... يعني 20 ألف مدرسة يتسعوا ل 24 مليون طالب ... هل هناك 24 مليون طالب في مصر أساسا؟ لو إفترضنا أن المصريين بيزيدوا حوالي مليون في السنة، يعني 12 سنة تعليم أساسي فيها 12 مليون طالب ... هتجيب طلبة منين للمدارس دي؟ و لا هي سبوبة؟
