دكتور دسوقي أحمد -طبيب مصري مقيم فى ألمانيا - عبر الفيس بوك:
بيان المتحدث باسم القوات المسلحة بيقول انهم حققوا طفرة هائلة في علاج فيروس سي بدون الحاجة إلي أخذ عينة من دم المريض
يعني مش هيحلل ELISA في الاول ولا هيحلل PCR QUANTITATIVE ولا هيحاول يعرف الـGenotype
ولا هياخد عينات دورية كل اسبوع من صورة الدم وانزيمات الكبد، ولاهيعمل تحليل PCR كل شهر في اول 4 شهور ولابعد الشهر التامن ولا الـ12 ولا هيعمللو بعد كدا تحاليل كل 3 شهور تحاليل دورية ولا كل 6 شهور كشف عن الفيروس
العلاج بتاعهم دون الحاجة الي اخذ عينة من دم المريض والمصحف هو اللي بيقول كدا
هو هيجيب المريض ويوقفه قدام صورة السيسي ويقوللوا اخشع ياد، فهيتم شفاؤه (دون الحاجة الي اخذ عينة من دم المريض)
انت عارف ايه اللي مزعلني ؟
افتكرت عيانة بڤيروس سي كانت عندنا في القسم وقعدت تحكيلي ان البروفيسور اللي بتتعالج عنده في جامعة مونستر قاللها ان في مشروع بحثي شغال من كام سنة علي تطوير علاج جديد لڤيروس سي (اللي اعلنوا عنو من شهر دا ولسا مانزلشي اوروبا)
العيانة (طبيبة متقاعدة) قالت انها تواصلت شخصيا مع جامعة بوسطن الامريكية (احد اطراف تطوير العلاج) وحست انهم مش متاكدين من فعالية العلاج.
