نافذة مصر :
نشر د/ أحمد عبدالعزيز، مستشار الرئيس مرسي على حسابه الشخصي بفيس بوك تدوينة قال فيها :
وصلتني هذه الرسالة من الأخت الكريمة صاحبة فكرة "قصاقيص ضد الانقلاب" بعد أن قامت بتنفيذ الفكرة اليوم :
النهارده كان أول يوم أحط قصقوصة.
في الأول ركبت الميكروباص، وقعدت في آخر كرسي، وحطيت الورقة جنب الشباك من تحت. وركب بعدي شاب في العشرينات، شكله من الريف، فوسعت له. قعد جنب الشباك عشان ميبقاش بيني وبين ست تانية، وبعد شوية لفتت نظره الورقة، فتحها وقراها، وحسيت إنه تنح بجد كأنه مش مصدق، وفضل سرحان لدرجة إني قعدت أقول له الأجرة يا أستاذ، وهوّا مش واخد باله، وقعد يقرأ في الورقة بدون مبالغة حوالي عشر مرات، وبعد كده قطعها ورق رفيع جدا وحطها في جيبه. حسيت إنه خايف يرجعها تاني. الورقة كان مكتوب فيها:
[ لو مرسي متخابر من 2005 إزاي السيسي وافق يبقي وزير دفاع تحت إيده لمدة سنة ؟! ]
وكنت كاتبة في الأول، فكر شوية، وشغل مخك، وفي الآخر كاتبة "قصاقيص ضد الانقلاب" ..
