جاء هاشتاج مرتبك يساوي كام (جرام دهب) ضمن قائمة الأكثر تداولا على منصات التواصل الاجتماعي بمشاركات تنوعت بين الغضب من انفلات أسعار الذهب وارتفاعه الجنوني والذي وصل حتى كتابة هذه السطور إلى 1850 جنيها، مرورا بحالة من السخرية من المشاركين على أوضاعهم ومرتباتهم وحالة "العزوبية" التي يبدو أنها ستمتد بلا زواج أو حتى خطوبة للذين لم يتزوجوا بعد، وصولا إلى الترحم على عهد الرئيس مرسي.
مضايقك في ايه؟!
الذراع الإعلامي عمرو أديب زاد غضب المصريين بعدما تساءل "في إيه إن الدهب يغلى"؟! معتبرا أن "الاهتمام المفاجئ من المواطنين بأسعار الذهب دليل على أن هناك شئ غلط في الأسواق"!
وقال صاحب حساب "محمد": "كل المؤشرات السياسية والاقتصادية بتقول لنا يلا بقى ويناير أهو على الأبواب والحكاية كلها مسيرتين واحدة تطلع تضم على وقفة نقابة المحامين والتانية تضم على وقفة الجراچ بتاعت عمرو موسى في الزمالك".
أما (مصطفى بلال ) فقال: "#جرام_دهب من وجهة نظري غير مبنية ع أساس علمي إن المفروض يربطوا رواتبنا بعملة غير الجنيه مثلا بالدولار يعني يخلو مثلا قبضنا ٢٠٠ دولار وناخد قصادهم بالمصري بس ثابتين ٢٠٠ دولار انا مرتبي بينقص كل يوم .. المفروض يزيد".
وأضاف (محمد خالد): "مرتبى ميجبش ٣ جرام دهب.. يعنى عشان تجيب دبله محتاج تشتغل ٣ شهور.. يعنى محتاج تشتغل ٧٢ يوم يطلع "...... و....." اللى جابوك عشان بس تقدر تجيب دبلة من غير ما أحسب أكلك وشربك وموصلاتك أو بنزينك".
وكتبت (إيمان أيمن): "الكوميديا السودة على موضوع إن في ناس مرتبها أقل من اتنين جرام دهب ده بجد بجد أكبر من إن دماغي تستوعبه.. وحتى آخر حد شوفته كاتب كدة كان متجوز ومعاه طفل. يعني إيه اصلا!؟ يعني إيه تصرف عليك كشخص لوحدك أصلا مبلغ زي ده؟ الناس بتكفي نفسها ازاي؟! ربنا اللي بيرزق وكل حاجة أكيد ونعم بالله.".
وساخرا علق صاحب حساب (حمو): "انت متخيل إن مرتبي كله يجيب حوالي ٢ جرام دهب برة المصنعية.. سهلوا الحلال عشان ربنا يسهل طلوع روحكم إن شاء الله".
ووافقته (روناء) التي كتبت: ".. هوا إيه يجماعة اللي مرتبك بقي 2 جرام دهب م غير مصنعية!!.. جرام الدهب بـ 1800 ف 2 جرام بـ 3600.. مين ابن الغنية ده اللي بيقبض 3600 ؟؟".
وأضاف (الدقر): "سنة 2013 الحد الأدني للأجور 1200 جنيه = 5 جرام دهب حالياً سنة 2022 الحد الأدني للأجور 3000 جنيه = جرام ونص دهب .. شفتوا معاه البركة بتاعت ربنا إزاي..".
