متابعة - أحمد سعيد :

الناشط السياسي د. ياسر نجم عبر فيس بوك :

بيقول لك: الكونتانجو اشتغل..
ايه الكونتانجو ده ؟
الكونتانجو ده معناه ان الزباين يشتروا بضاعة مش محتاجينها دلوقتى..بسعر دلوقتى..ويشترطوا انهم مايستلموهاش الا بعد فترة طويلة..
دى حاجه فى التجارة بتحصل لما أسعار حاجه معينة تقل..ومتوقع انها تزيد تاني مستقبلا..والمشترى مش هايحتاجها اليومين دول..واستلامها اليومين دول هايبقى عبء عليه فى التخزين...لكن عايز يستفيد من النزول الحالي للسعر..

ده اللي حاصل دلوقتى فيما يخص أسعار الوقود العالمية...الدول والشركات بتشترى بكميات كبيرة لكن مش عايزة تستلم دلوقتى..

كنتيجة لده...تم رصد تحول الناقلات العملاقة لطريق رأس الرجاء الصالح بدلأً من قناة السويس ابتداءاً من هذا الشهر..والغرض ان السفن تفضل في البحر أطول فترة ممكنة...وهى شايلة وقود المشترين مش محتاجينه دلوقتى..وتقليل عدد السفن والرحلات المستخدمة..مافيش أهمية لاختصار زمن الرحلة هنا..بالعكس الهدف هو اطالة زمن الرحلة ببضاعة تم شراؤها لكن المشترين مش عايزين يستلموها دلوقتى...ومافيش مانع من الرسو لفترات على مواني أخرى في السكة للراحة والتبادل التجاري..
اقتصاديا..ده أوفر للجميع..خصوصا بعد خصم رسوم المرور في قناة السويس..

وطول ما سعر الوقود منخفض ده هايضرب ممر قناة السويس مقارنة برأس الرجاء الصالح...
لما أسعار البترول تزيد (لو زادت)...هايرجع المرور من قناة السويس لمعدلاته..
------
مصدر الخبر : موقع بلومبرج الاقتصادي تحت عنوان :

ناقلات البترول تسير 4آلاف ميل إضافيا حول إفريقيا مع انخفاض أسعاره