كتب - محمد عبالعزيز :

قضية "خلية الموت"

كل المتهمين تم اخفاءهم قسريا وتعذيبهم في سلخانة الدور الرابع في مديرية امن الاسكندرية من تاريخ الاعتقال وحتى يوم 28 يناير 2015

يوم 28 يناير 2015 نشرت صحيفة اليوم السابع خبر عن اعتقالهم ونشرت فيديو ظهروا فيه وعليهم آثار تعذيب.

يوم 29 يناير 2015 ظهر المتهمين لأول مرة في نيابة امن الدولة على ذمة القضية رقم 128 لسنة 2015 حصر أمن الدولة العليا

رقم القضية: 68 لسنة 2015 جنايات عسكرية شرق القاهرة

اسماء المتهمين حسب أمر الإحالة:

1- محمد محمود احمد ابو الحسن – مهندس - هارب

2- اسماعيل محمد فتح الباب كشك 35 سنة – مهندس - هارب

3- ابراهيم محمد ابراهيم عجوة - هارب

4- احمد محمد محمد غنيم 27 سنة - محاسب - هارب

5- احمد محمد سعد محمد السيد 29 سنة - مدرس - محبوس

6- السيد علي حسن محمود يونس 27 سنة – موظف في بنك - محبوس

7- عبد الله اسامة عطية سلامة 27 سنة – محاسب - محبوس

8- عبد الرحمن عادل ياقوت علي 22 سنة - طالب بالفرقة الثالثة بكلية شريعة وقانون - محبوس

9- محمد طارق احمد السيد الشربيني 19 سنة - طالب بكلية تجارة - محبوس

10- احمد يوسف محمد خليل – طالب بالترسانة البحرية - محبوس

11- هشام محمود عبد السلام محمود 26 سنة – صاحب مكتبة - محبوس

12- عبد العزيز خليل احمد البقري 22 سنة – طالب بكلية تجارة - محبوس

13- محمود اسلام محمد سالم - هارب

14- احمد محمد عبد العال امين 31 سنة - مهندس اتصالات - محبوس

15- احمد محمود احمد ابو الحسن - هارب

16- احمد فؤاد السيد محمد 25 سنة - طالب - محبوس

17- عبد الرحمن ابو المكارم ابراهيم - هارب

18- باسم الدسوقي محمد ابراهيم 27 سنة – يعمل في مجال التسويق الغذائي - هارب

ملابسات الاعتقال - يرويها أحد الحقوقيين:

1) احمد سعد والسيد علي وعبد الله اسامة وعبد الرحمن عادل اعتقلوا م يوم 18 يناير من مقهى في محطة الرمل ومحدش فيهم كان يعرف التاني قبل القبض عليهم

-تم القبض على زوجة احمد سعد من بيت والدتها يوم 19 يناير (الساعة 12 بليل) واتاخدت في ميكروباص على قسم المنتزة، وهناك غيروا امناء الشرطة اللي كانوا معاها وبعدين رحلوها على مديرية الامن، وتم القبض على اخو احمد سعد من بيته يوم 19 يناير واخدوه الاول على قسم محرم بك وبعدها رحلوه على المديرية، وخرجوا هما الاتنين بعدها (الزوجة خرجت يوم 20 بليل والاخ خرج بعدها ب 8 ايام)

تم عمل 3 تلغرافات ايام 21 و22 و24 يناير

-اهل السيد علي بعتوا تلغراف يوم 22 يناير – رقمه التتابعي 8830

-اهل عبد الله اسامة بعتوا تلغراف يوم 20 يناير – رقمه التتابعي 8603

-اهل عبد الرحمن عادل بعتوا 3 تلغرافات (واحد لرئيس نيابة الجمرك بتاريخ 21 يناير رقمه الاصلي 04200592) – (واحد لوزير الداخلية بتاريخ 21 يناير رقمه الاصلي 04200593) – (واحد للمحامي العام الاول بتاريخ 20 يناير رقمه 04200579)

2) محمد طارق واحمد يوسف واحمد فؤاد وعبد العزيز خليل كلهم اتقبض عليهم يوم 21 يناير 2015 من نفس الشقة في الساعة في فكتوريا

-يوم 20 يناير الصبح الداخلية اقتحمت بيت جد محمد طارق عشان يقبضوا عليه بس هو مكانش موجود هناك فقبضوا على اتنين من أعمامه وسألوا على والد محمد طارق بس هو مكانش موجود فأخدوا العمين ورحلوهم على قسم محرم بك، وهما في القسم والد محمد طارق اتصل بواحد من اخواته عالموبايل وبعدين قفل فتم تعذيب العم عشان يقول على مكان محمد طارق او والده، وتم الافراج عنهم بعدها ب 4 ايام

-اهل احمد فؤاد بعتوا تلغرافين بتاريخ 26 يناير – ارقامهم التتابعية (1435 و 1438)

-اهل عبد العزيز بعتوا 3 تلغرافات (واحد لوزير الداخلية بتاريخ 21 يناير رقمه 114) – (واحد للنائب العام بتاريخ 21 يناير رقمه 113) – (واحد لمحامي عام نيابات شرق بتاريخ 21 يناير رقمه 115)

3) احمد عبد العال اتقبض عليه يوم 19 يناير 2015 من محطة ترام صفر

-اهله بعتوا 5 تلغرافات يوم 21 يناير – ارقامهم التتابعية (8740 و 8741 و 8742 و8743 و8744)

4) هشام محمود اتقبض عليه يوم 20 يناير 2015 من من المكتبة بتاعته في عزبة سعد في سموحة

- اهله بعتوا تلغرافين يوم 25 يناير (واحد للنائب العام برقم 37) – (واحد لمحامي عام نيابات شرق برقم 36)

وفي حد كان واقف في الشارع وقت خطف هشام وراح شهد امام المحكمة العسكرية انه شافه وهو بيتقبض عليه يوم 20 يناير

5) اسماعيل محمد اتقبض عليه يوم 25 فبراير 2015 من بيته في العصافرة ولسه مختفي قسريا لحد النهاردة – مكتوب في امر الاحالة هارب

-اهله بعتوا تلغرافين بعدها ب أسبوع (واحد لدار القضاء رقمه الاصلي 4101225 والتتابعي 9058) – (واحد للمحامي العام رقمه الاصلي 03800675 والتتابعي 2537)

6) احمد غنيم اتقبض عليه يوم 25 فبراير 2015 من مستشفى الثغر ولسه مختفي قسريا لحد النهاردة – مكتوب في امر الاحالة هارب

-احمد غنيم كان مع زوجته ووالدتها بيعمل آشعة في المستشفى ولما طلعوا يستلموها مجموعة من الظباط حاوطوهم ونزلوهم من المستشفى واخدوهم على قسم المنتزة وهناك فصلوا احمد عن زوجته ووالدتها

الزوجة ووالدتها فضلوا 3 ايام محتجزين في القسم وبعدين أفرجوا عنهم وأحمد مختفي من ساعتها

7) باسم دسوقي اتقبض عليه من مكان عمله يوم 8 مارس 2014 – مكتوب في امر الاحالة هارب

-اول ما اتقبض عليه اترحل لسجن استقبال طرة وكان بيتحقق معاه في القضية رقم 142 لسنة 2014 حصر امن الدولة العليا ولحد النهاردة بيتجددله فيها 45 يوم في 45 يوم، خلال فترة حبسه اتحط اسمه في 5 قضايا تانية (3 مدني منهم قضية فض رابعة في اسكندرية واتحكم عليه فيها بمؤبد غيابي و2 عسكري منهم قضية 68)

باسم في سجن الحضرة بقاله 6 شهور عشان يحضر جلسات قضية 68 ولما بيكون عنده تجديد في القاهرة بيرحلوه يحضر الجلسة ويرجعوه سجن الحضرة تاني

تفاصيل اضافية عن احمد غنيم واسماعيل كشك:

- اللي قبض على احمد غنيم ظابط امن دولة اسمه "معتز عبد الحليم عبد العظيم" وهو ده اللي أشرف على تعذيب المعتقلين اللي اتقبض عليهم في يناير في مديرية امن اسكندرية وهو اللي عامل تحريات القضية

-في جلسة من جلسات مناقشة الشهود، محامي سأل الظابط معتز عن رده على ان احمد غنيم واسماعيل كشك مختفين قسريا قال انه "ماقبضش عليهم بس هما مدرجين في ٥-٦ قضايا" قال بالنص كده

-الاهالي عرفوا من مصادر غير رسمية ان الاتنين كانوا محتجزين من تاريخ القبض عليهم (٢٥ فبراير) لحد ١ ابريل في مديرية امن اسكندرية وبعدها اترحلوا لمبنى امن الدولة في كفر الشيخ وفي مختفين قسريا كانوا محتجزين هناك وخرجوا يوم ٢٦ مايو وقالوا للاهالي انهم شافوهم في مبنى امن الدولة في كفر الشيخ. آخر حاجة وصلتلهم انهم محتجزين حاليا في مديرية الامن في ابيس وده وصلهم قبل العيد الكبير بأسبوع

-زوجة اسماعيل وزوجة احمد عملوا محضر بتاريخ 17 اكتوبر 2015 في نيابة المنتزة بيتهموا فيه ظباط قسم المنتزة بالقبض على احمد واسماعيل يوم 25 فبراير 2015 – رقم المحضر 22912/ 2015 اداري اول المنتزة

-بدر (الشاب اللي اتقبض عليه من فرحه) كان عنده جلسة في المحكمة العسكرية في ثروت في نفس يوم جلسة قضية ٦٨ (جلسة ٢٧ ديسمبر) وقال للاهالي انه شاف اسماعيل واحمد في مديرية الامن في ابيس وكان عنده استعداد يشهد بده والمحامين طلبوا من القاضي يسمع شهادته بس القاضي رفض

-المحامين بلغوا النيابة الكلية والنيابة العسكرية والمحكمة العسكرية في كل مرة كانت بتوصلهم معلومة عن اسماعيل واحمد بس مكانش في اي حاجة بتحصل غير انهم بيتنقلوا لمكان تاني

تفاصيل عن القضية وفترة حبس المتهمين:

*اذن الضبط للمتهمين من الخامس للثاني عشر والرابع عشر والسادس عشر محرر بتاريخ 27 يناير 2015 يعني بعد ما اتقبض علي المتهمين فعلا بأسبوع او اكتر

*مفيش حد من الاهالي قدر يعمل بلاغات اختفاء قسري بسبب ان النيابة الكلية والجزئية ف اسكندرية بترفض تماما انها تعمل بلاغات اختفاء قسري

*كل المتهمين تم اخفاءهم قسريا وتعذيبهم في سلخانة الدور الرابع في مديرية امن الاسكندرية من تاريخ القبض عليهم لحد يوم 28 يناير 2015

*يوم 28 يناير 2015 اليوم السابع نزلت خبر عن القبض عليهم ونشرت فيديو ظهروا فيه متعذبين

لينك الفيديو: https://www.youtube.com/watch?v=u2gtFca1AcE#action=share

*يوم 29 يناير 2015 ظهر المتهمين لاول مرة في نيابة امن الدولة على ذمة القضية رقم 128 لسنة 2015 حصر امن الدولة العليا

*التهم:

1-حيازة اسلحة وذخائر ومفرقعات

2- تصنيع متفجرات

3- قتل وشروع في قتل ظباط شرطة

4- حرق سيارات شرطة

5- اطلاق النيران على اقسام شرطة

6- حرق محكمة محرم بك

(22 جناية من اكتوبر 2013 لحد يناير 2015)

*من يوم 29 يناير 2015 لحد نص مايو كل المتهمين المحبوسين (ما عدا باسم) كانوا في سجن العقرب في H4 بعدها اترحلوا لسجن برج العرب وهما هناك لحد دلوقتي

*القضية اتحالت للقضاء العسكري في مارس 2015 وأول جلسة امام المحكمة العسكرية كانت يوم 6 سبتمبر 2015

*الجلسات بتنعقد في محكمة الجنايات العسكرية – ثروت – الاسكندرية والجلسة الجاية جلسة النطق بالحكم وهتبقى يوم 10 يناير