شهدت محلات البقالة بمنطقة وسط البلد إقبالاً كثيفاً على شراء زجاجات المياه المعدنية بعد تسمم مواطنين في قرية الإبراهيمية بمحافظة الشرقية بسبب مياه الشرب.

فيما يلي استطلاع لآراء أصحاب محلات حول حركة البيع والشراء وارتفاع سعر كرتونة المياه المعدنية لـ 8 جنيهات عن سعرها الأصلي.
 
خالد أبو زيد أحد أصحاب المحالات، قال إن الإقبال على المياه المعدنية زيادة عن الأيام الماضية، لأننا فى الصيف والدنيا حر وعلشان الناس خايفة تشرب من المياه اللي فيها الفوسفات".
 
بينما أكد عبدالعال فتحي،  على زيادة سعر كرتونة المياه المعدنية 8 جنيهات، قائلا :" الناس مش مصدقة أن فى زيادة على المياه وبيقولوا إنى بستغل الأزمة لكن الاستغلال والجشع من تجار الجملة " ، مضيفا، أن نسبة الإقبال أكثر من ساعة موضوع الفوسفات والبيع زاد فى ناس بتشتري بالكرتونه".
 
وقال حنفي إمام :"أنا لسه مشترتشي المياه الجديدة بالسعر الجديد وبييع بالسعر القديم ، والإقبال زاد على الشراء فى اليومين اللى فاتوا مش عارف ليه بصراحة ممكن يكون بسبب المياه اللى فيها التسمم بتاعت الفوسفات ديه ".

مصر العربية