تشهد مستشفى "ناصر" أزمة حادة بسبب نقص الأدويه وسط استهجان ومطالبة المرضى للجهات المسئولة بتحمل مسئولياتهم وتوفير الأدوية اللازمة لهم.

يأتى هذا وسط إخلاء الأطباء بالمستشفى مسئوليتهم أمام المرضى عند مطالبتهم بالعلاج وتوفير الأدوية مرددين : " احنا ملناش دعوه الى بيجيلنا بديه للمرضى ده نقص فى الادوية مش من عندنا "

عبرت إحدى المريضات لـ " سويف أون لاين " وتدعى "راضية . محمد : "ابنى عيان واديله اسبوع فى المستشفى وكاتبيلنا على علاج ب300 جنيه ومش موجود اى حاجه منه فى المستشفى وجوزى شغال على عربية يوم يشتغل ويوم قاعد طيب اجيب منين فلوس عشان اجيب العلاج لبنى ولا اسيبه يموت منى ؟

وختم ( جمال سيد ): "المستشفى فى الاول كان فيها خدمات كتير ومكنش فيها نقص فى حاجه وكانت المعاملة حلوة دلوقتى اتغيرت خالص ومش لاقين ادوية فيها فيه نقص فى الادوية واهمال من العمال فى المستشفى وبدل ما كانت من افضل المسشتفيات دلوقتى بقى فيها كل المساوىْ