متابعة - آدم عبدالحميد :
أثارت تصريحات الإعلامي الانقلابي تامر أمين حول "المجلس الأعلى للعالم" موجة من السخرية على مواقع التواصل الاجتماعي، وأطلقت العنان لخيال النشطاء والمغردين على تويتر، الذين بدأوا يبحثون عن "الوظائف المتوفرة" في هذا المجلس، وينسجون من وحي خيالهم شخصيات قيادية فيه.
وبحسب أمين، فان هذا المجلس يقوم باستخدام تكنولوجيا تمكنه من التحكم في الطبيعة لتدمير بعض الدول دون الحاجة لخوض حروب مباشرة، وذلك عبر إحداث تسونامي وزلازل وبراكين.
وبواسطة هذه "الحرب الكونية" التي يقودها المجلس، الذي يضم أجهزة مخابرات وأجهزة أمنية عالمية، تستهدف بعض الدول ومنها مصر، يمكن أن يتم توجيه "نيازك الى بلد ما بدلا من الصواريخ" على حد تعبير أمين وما نقله عن ضيوف برنامجه.
شاهد :
وفيما يلي بعض التغريدات التي تناولت الموضوع.
فقد قال د. فاضل سليمان : "بعد مشاهدة فيديو عجيب جدا فنحن نطالب المجلس الأعلى للعالم بإسقاط نيزك كبير على مدينة الانتاج الإعلامي."
وعلق الباحث السياسي خليل العناني : المجلس الاعلى للعالم يعلن عن فتح باب الترشيح لعضويته ويشترط أن يكون العضو خبير استراتيجي أو لواء سابق.
بينما تنوعت تعليقات رواد التواصل الاجتماعي في السخرية من هذا التصريح ونرصدها كالتالي:
- مطلوب سكرتيرة حسنة المظهر
-لا يشترط المؤهل و لا الخبرة للعمل فى قسم النيازك و المذنبات بالمجلس الاعلى للعالم
- من فضلكم يا حضرات.. سيستم النيازك كله واقع، كل اللي مقدم على نيزك على مديره في الشغل، أو منافسه في السوق، أو على كوك دوور علشان بيتأخروا في الدليفري يتفضل عند مستر روبرت علشان يختار التسونامي أو الإعصار أو البركان. وياخد معاه طلب ودمغة
- احنا مش اقل منهم و في السنة اللي العالم حول فيها مسارات النيازك، مصر حولت الإيدز كفتة - بيقولك اييه بقى فيه حاجه اسمها المجلس الاعلى للعالم والمجلس دا فيه مين بقى ؟؟ فيه كل الاشقيه بتوع العالم غسان مطر بقى الله يرحمه و محمود المليجى وتوفيق الدقن وكل الاشقيه الله يرحمهم بيعمل اييه المجلس دا بقى ؟؟ دوول يشوفو اى دوله وهما قاعدين فى الترب بتاعتهم كدا يقومو مسلطين عليها براكين وزلازل وفيضانات ويدمرو البلد دى من غير حروب ولا اى حاجه
- يعنى امريكا تقدر تعمل اعاصير فى الدول اللى عاوز تدمرها و ما تقدرش تمنع الأعاصير فى امريكا
- يا تامر يا أمين... من ناحية في مجلس إدارة للعالم هوه في الحقيقة، لكن مش بيبعت نيازك ولا بيورد براكين وزلازل... بيحدف علينا إعلاميين وأصحاب قنوات فضائية
- ازاى علماء الطبيعه طول المده دى مش بيستفيدو من تامر أمين؟..ازاى يوصل لسر البراكين والزلازل الللى بتحصل ف الدول والعلماء مكانوش واخدين بالهم م الحاجات دى ...وبعدين "النياظق" دى برضه مش هتسيبنا ف حالنا
- وسع انت وهو انا نازلة انتخابات #المجلس_الاعلي_للعالم تخصص فياضانات محتاجه دعمكم بقى."
- لن تجد التعبير المناسب عندما يخصص الإعلام حلقة كاملة يتحدث فيها خبير عسكري عن «المجلس الأعلى للعالم» (!) الذي يدير الجيل الخامس من الحروب".
وقال أحد النشطاء : المجلس الأعلى للعالم .. نقطة في بحر"العته" الذي يقدمه إعلام السيسي.
