نافذة مصر
 بعث البطل الثوري عبادة جمعة ابن الخمسة عشر ربيعا برسالة لأخواته من داخل سجون الإنقلاب قال فيها
أولا ( يسرا ) : لو كنتي زعلانه مني يا يسرا عشان لو أنا كنت مزعلك في حاجه أوعي أوعي تزعلي مني يا عالم ممكن ألبس 15 سنة زي اللي قبلي و متشوفينيش تاني و لو إنتي مش زعلانة أنا زعلان عشان ما جيتيش زورتيني
 ثانيا (حماس ) : انتي بقي لو خرجت بإذن الله هنفخك عشان انتي الي جبتيني هنا و بردو بحبك يا حموسة يا جموسة أبي_استايل
ثالثا ( حياء ) : انتي بقي مش عارف أشكرك إزاي علي المصحف اللي إديتهولي عشان كنت عمال أشحت علي مصحف في الزنزانة بنت الدزمة دي و الناس الثوريين اللي معايا كلهم عمال أحكي لهم علي بطولاتك و تهوراتك
 رابعا ( ثبات ) ثبوتة يا حبيبتي بموت فيكي و عارف إنك زعلانة عليا أنا حاسس بيكي يا بوتة و بردو أوعي تزعلي مني في يوم من الأيام
خامسا و الأهم ( أمي ) : إياك تعيطي تاني عليا مش عايز منك غير تصلي و تدعيلي و أنا عارف إنك أول واحدة هتتريئي علي خطي و قولي لحياء المستفزة هي دي الورقة اللي هانت عليكي خليها تجيبلي مذكرة ع الأقل عشان أكتب الرسايل لكل الحبايب
يا عاصم منسيتكشي و الله أنت و عمر و ياسر مسؤلي بس لما حياء تجيبلي المذكرة هكتب كل اللي ف قلبي بس انتو عارفين أهلي أهم منكو