نافذة مصر
 كلمات أبو سهيلة الطنطاوي

إلى أحبتنا الذين غيبتهم السجون لكنهم يسكنون فى شغاف القلب محمد سلامه  محمد سليمان, محمد فايز حموده, انس صديق, محمد درويش, احمد النيلى , محمد جلال سمك
 (1)
عديل وجار وصاحب وبنا ود ياما
 وعياله كل يوم بقابلهم بابتسامه
وأقول ابوكو راجع إن شا لله بالسلامه
 يا رب فرج قريب يا محمد سلامه
(2)
يا طيب يا أمير يا عمى من زمان يا أبو أطيب ابتسامه
شلال من الحنان يا رب فرج قريب يا محمد يا سليمان
 (3)
 لسه بخط القلم أفكاره موجودة
 يضحكلى لما أقوله السكة مسدودة
ويقولى بكره بلدنا بالنصر موعودة
يا رب فرج عليك فايز يا حموده
 (4)
وانا من زمان اعرفك
 اخ وحبيب وصديق
وكتير مشينا فى طريق
وكنت نعمه الرفيق
يارب فرج عليك
يا انس صديق
 (5)
درويش أنا لو حكيت فكلامي
ميكفيش عشرين سنه ذكريات
 وزمن وملح وعيش
 درويش فى حبه لدينه من اكبر الدراويش
 يا رب قادر كريم فرج على درويش
(6)
 يا ابو نضارات بسمتك قمر فى نور ليلى
 بياض عيونك امان وسمراها لون نيلى
فرجه يا  احمد قريب يااحمد النيلى
 (7)
فى سكه الحق ماشى وصبره زى الجبال
ولا عمره يوم انهزم ولا عمره لحظه مال
 يا رب فرج عليك يا محمد جلال