إهداء إلى الإصلاحي المصري الفارس النبيل الأسير المهندس خيرت الشاطر 0 فك الله أسره وأسر كل مظلوم 0
عجيبة الحكاية عجيب الزمان
مهندس وشاطر وساكن لومان
وطيب وصابر برغم الطوفان
عجيبة الحكاية عجيب الزمان
تجوع الأسود يضيق المكان
وتشبع قرود وتسمن كمان
عجيبة الحكاية عجيب الزمان
عنتر في سجنه بإيده السلاسل
وشيبوب في حرب الأعادي جبان
عجيبة الحكاية عجيب الزمان
في سجنك يا شاطر بتحلم بإيه
بتحلم تسافر عشان الأمان
سمعتك بتهتف بصوت الأسود
عشانك يا مصر أخش اللومان
عجيبة الحكاية عجيب الزمان
في سجنك تصلي وتدعي الكريم
وتذكر حبيبك بأحلى لسان
عجيبة الحكاية عجيب الزمان
في سجنك يا شاطر وقلبك حزين
عشان مصر يعني حكمها الهوان
عجيبة الحكاية عجيب الزمان
في عينك مودة وقلبك كبير
عشان الوطن ده يحس الحنان
عجيبة الحكاية عجيب الزمان
ولادك يا شاطر في دعوة كرام
وحلفين بربي يدوسو الشطان
عجيبة الحكاية عجيب الزمان
هتطلع يا شاطر بعزمك حديد
برغم اللي فاسد ورغم الجبان
برغم اللي باع الضمير وانتهى
وعايش يبلطج علينا كمان
عجيبة الحكاية عجيب الزمان
وكل اللي ظلمك هيندم في يوم
يقابل كتابه بحر المكان
هيندم ولكن خسارة الكلام
وحقك يجيلك لأنه مصان
سمعت الحكاية بنور الإيمان ؟؟